Today Gujarati News (Desk)
અનિલ કપૂર હિંદી સિનેમામાં ઘણા સમયથી સક્રિય છે. તેમણે એકથી એક શ્રેષ્ઠ ફિલ્મો આપી છે. અનિલ કપૂર પોતાની ફિટનેસ માટે પણ જાણીતા છે. તેમના વિશે કહેવાય છે કે તેઓ પોતાની ઉંમર વધતા વધુ જવાન થતા જઈ રહ્યા છે. તાજેતરમાં જ તેમની એક વેબ સિરીઝ ધ નાઈટ મેનેજર ડિઝ્ની પ્લસ હોટસ્ટાર પર રિલીઝ થઈ છે. હવે તેઓ ટૂંક સમયમાં ફાઈટર અને એનિમલમાં જોવા મળવાના છે. તાજેતરમાં જ એક ઈન્ટરવ્યુ દરમિયાન અભિનેતાએ સાઉથ ફિલ્મોમાં કામ કરવા વિશે વાત કરી.
અનિલ કપૂર તાજેતરમાં જ રિલીઝ થયેલી ધ નાઈટ મેનેજરમાં જોવા મળ્યા. આ સિરીઝમાં તેમની સાથે આદિત્ય રોય કપૂર અને શોભિતા ધૂલિપાલા જોવા મળ્યા. ડિજિટલ પ્લેટફોર્મ વિશે તેમણે જણાવ્યુ કે ડિજિટલ પ્લેટફોર્મના કારણે હવે લોકો સુધી મૂળ કન્ટેન્ટ સરળતાથી પહોંચી જાય છે. જ્યારે લોકોને આ વિશે ખબર નહોતી ત્યારે બાબતો સરળતાથી મળી શકતી નથી પરંતુ આજકાલ ડિજિટલ પ્લેટફોર્મના કારણે લોકોને મૌલિક કન્ટેન્ટ વિશે જાણ થઈ જાય છે. આંતરરાષ્ટ્રીય કન્ટેન્ટ પણ દર્શકો માટે સુલભ છે.
રીમેક અને સાઉથ સિનેમામાં કામ કરવા અંગે અનિલ કપૂરે કહ્યુ કે અમેરિકન શો હોમલેન્ડ ઈઝરાયલી શો પ્રિજનર્સ ઓફ વોરથી પ્રેરિત છે. મારી ફિલ્મ વો સાત દિન, બેટા, વિરાસત, જુદાઈ પુસ્તકો પર આધારિત હતી. જે વાર્તાઓ સારી હોય છે, તેની ઉપર ક્યારેક શો બને છે, તો ક્યારેક ફિલ્મો. અમે કલાકાર તરીકે સ્ક્રિપ્ટ સાંભળીએ છીએ, પછી જોઈએ છીએ કે તેનું નિર્માતા કોણ છે, નિર્દેશન કોણ કરી રહ્યુ છે. તમામ બાબતો યોગ્ય હોય તો અમે હા પાડીએ છીએ.
અનિલ કપૂરે કાંતારાના નિર્દેશક ઋષભ શેટ્ટી સાથે કામ કરવાની ઈચ્છા વ્યક્ત કરી હતી. અનિલ કપૂરે કહ્યુ કે હુ ગમે ત્યાં જવા તૈયાર છુ, બસ રોલ સારો હોવો જોઈએ, નિર્દેશક સારા હોય અને થોડા-ઘણા રૂપિયા મળી જાય.
