Today Gujarati News (Desk)
અમદાવાદઃ શહેરના એસજી હાઈવે પર આવેલી શેલ્બી હોસ્પિટલ પાસેના એક બંગલોમાં બર્થડે પાર્ટી પર દારૂની મહેફીલ માણવામાં આવી રહી હતી. જેની માહિતી આનંદનગર પોલીસને મળતા પોલીસે બંગલા પર પહોંચીને રેડ પાડીને કાર્યવાહી કરી છે. બર્થડે પાર્ટીની ઉજવણીમાં યુવાનો દ્વારા દારૂની મહેફિલ માણવામાં આવી રહી હોવાની વિગતો મળી હતી. ધરપકડ કરાયેલા લોકોમાં બિલ્ડરનો દીકરાનો પણ સમાવેશ થાય છે.માહિતી મળ્યા બાદ આનંદનગરમાં શેલ્બી હોસ્પિટલ પાસે આવેલા રાજદીપ વિલા-1 બંગ્લોમાં દારૂની મહેફિલ પર પોલીસે રેડ પાડી છે. આ બંગલામાં કેટલાક લોકો દારૂ પી રહ્યા હોવાની વિગત પોલીસને બાતમી મળી હતી. બંગલામાં દારૂ પાર્ટી પર પોલીસે રેડ પાડીને 8 જેટલા લોકોની ધરપકડ કરી લીધી છે.શહેરના બિલ્ડરના બંગલામાં દારૂની મહેફિલ માણવામાં આવી રહી હતી. જેના આધારે પોલીસે તપાસ કરીને બિલ્ડરના દીકરા, ભત્રિજા સહિતના લોકોને પકડી લીધા છે. આ મહેફિલમાં દારૂની બોટલો ક્યાંથી લાવવામાં આવી હતી? કોના બર્થડે પર દારૂની પાર્ટીનું આયોજન કરવામાં આવ્યું હતું તેની તપાસ હાથ ધરવામાં આવી છે.આનંદનગર પોલીસ દ્વારા આ કેસમાં પકડાયેલા લોકો સામે અગાઉ કોઈ ગુનો નોંધાયો છે કે કેમ તે અંગે પણ તપાસ કરવામાં આવી શકે છે.
