Today Gujarati News (Desk)
બાપુનગર વિસ્તારમાં થોડા દિવસ પહેલાં બે શખસોએ તલવાર વડે હુમલો કર્યો હતો અને આતંક મચાવ્યો હતો. ત્યારે આ સમગ્ર ઘટના સીસીટીવીમાં કેદ થઈ હતી. ત્યારે પોલીસે આ સમગ્ર ઘટના મામલે ગુનો નોંધી તપાસ હાથ ધરી હતી અને બે આરોપીને ઝડપી પાડ્યા હતા. હાલ પોલીસે બંનેની ધરપકડ કરી આગળની કાર્યવાહી હાથ ધરી છે.
બાપુનગર પોલીસે આ મામલે જણાવ્યુ હતુ કે, બંને આરોપીઓ એકબીજાના મિત્રો છે. બંને ગુનાહિત ઇતિહાસ ધરાવે છે. આ પહેલાં પણ બંને એકસાથે અનેક ગુનાઓમાં પોલીસના હાથે ઝડપાયેલા છે.
અમદાવાદના બાપુનગરમાં ખુલ્લી તલવારો લઈને લુખ્ખા તત્વો આતંક મચાવતા હોય તેવો વીડિયો સોશિયલ મીડિયામાં વાયરલ થયો હતો. તે વીડિયોમાં જોઈ શકાય છે કે, ખુલ્લી તલવાર લઈને અસમાજિક તત્વોએ એક ચાલીમાં ઘુસીને હુમલો કર્યો હતો અને સાથે સાથે ઘરને આગ પણ ચાંપી હતી. હુમલામાં એક ઘર અને વાહનને આગ પણ ચાંપી હતી.
