અમદાવાદ શહેર અને ગ્રામ્યમાં છવાઈ ગાઢ ધુમ્મસની ચાદર, વિઝીબિલીટી ઓછી થતા વહેલી સવારે વાહનચાલકોને પડી મુશ્કેલી – Ahmedabad News

અમદાવાદ શહેર અને આસપાસના ગ્રામ્ય વિસ્તારોમાં વહેલી સવારે ગાઢ ધુમ્મસ જોવા મળ્યુ. શહેરના અલગ અલગ વિસ્તારોમાં ધુમ્મસની ચાદર છવાઈ હોય તેવા દ્રશ્યો જોવા મળ્યા. ચારે બાજુ ધુમ્મસ જ ધુમ્મસ છવાતા વાહનચાલકોને મુશ્કેલીનો સામનો કરવો પડ્યો. સવારના સમયે પણ લાઈટ ચાલુ કરીને વાહન ચલાવવુ પડે તેવું વાતાવરણ છવાયું છે. વાતાવરણમાં વિઝીબિલીટી સાવ જ ન રહેતા દૂર દૂર સુધી કંઈ જ દેખાતુ નથી. આથી વાહનચાલકોએ પણ સંભાળીને ચલાવવુ પડે તેવી પરિસ્થિતિ સર્જાઈ હતી.