Today Gujarati News (Desk)
આજે રાજકોટમાં સૌરાષ્ટ્ર યુનિવર્સીટી ખાતે 57મો પદવીદાન સમારોહ યોજાશે. આ સમારોહની તૈયારીઓ પૂર્ણ કરી દેવામાં આવી છે. ગુજરાત રાજ્યના રાજ્યપાલ આચાર્ય દેવવ્રત અને શિક્ષણમંત્રી ઋષિકેશ પટેલ તેમજ રાજ્યકક્ષાના મંત્રી પ્રફુલ પાનસુરીયાની ઉપસ્થિતમાં પદવીદાન યોજાશે. રાજ્યપાલ આચાર્ય દેવવ્રતના હસ્તે વિદ્યાર્થીઓને ગોલ્ડ મેડલ એનાયત કરાશે. આજે કુલ 43,062 વિદ્યાર્થીઓને પદવી એનાયત કરવામાં આવશે.
રાજ્યપાલ 147 ગોલ્ડ મેડલ એનાયત કરશે
આજે સૌરાષ્ટ્ર યુનિવર્સિટીનો 57મો પદવીદાન સમારોહ યોજાશે. સોરાષ્ટ્ર યુનિવર્સિટી દ્વારા પદવીદાન સમારોહની તૈયારીઓ પૂર્ણ કરી દેવામાં આવી છે. આ પદવીદાન સમારોહમાં રાજ્યપાલ આચાર્ય દેવવ્રતના હસ્તે વિદ્યાર્થીઓને 13 વિદ્યાશાખાના 126 વિદ્યાર્થીને 147 ગોલ્ડ મેડલ એનાયત કરશે. આ પદવીદાન સમારોહ આજે 11 વાગ્યે શરુ થશે. આ 147 ગોલ્ડ મેડલમાંથી 66 ગોલ્ડ મેડલ દાતાઓ તરફથી તેમજ 81 ગોલ્ડ મેડલ સોરાષ્ટ્ર યુનિવર્સિટી તરફથી એનાયત કરવામાં આવશે.
આ પદવીદાનનો સમારોહનું લાઈવ પ્રસારણ કરાશે
સોરાષ્ટ્ર યુનિવર્સિટીમાં આજે ગોલ્ડ મેડલ ઉપરાંત 14 વિધાશાખાના કુલ 43, 062 વિદ્યાર્થીઓને પદવીઓ એનાયત કરવામાં આવશે.આજે ગોલ્ડમેડલ મેળવનાર વિદ્યાર્થીઓને વૂડનના ખાસ બોક્સમાં પદવી એનાયત કરવામાં આવશે. આ વખતે પદવીદાન સમારોહમાં સત્તાધીશોનો કોઈ ડ્રેસકોડ નક્કી કર્યો નથી. જો કે વિદ્યાર્થીઓને વ્હાઈટ ટોપ-બ્લેક ટ્રાઉઝર પહેરવાની સૂચના આપવામાં આવી છે. આ પદવીદાન સમારંભનું સોરાષ્ટ્ર યુનિવર્સિટીની વેબસાઈટ www.saurashtrauniversity.edu પરથી લાઈવ પ્રસારણ કરવામાં આવશે. આ ઉપરાંત સૌરાષ્ટ્ર યુનિવર્સિટીની યૂટ્યૂબ ચેનલ પરથી પણ લાઈવ પ્રસારણ કરવામાં આવશે.
