Today Gujarati News (Desk)
કોમેડિયન કપિલ શર્માની કોમેડી માટે દુનિયાભરના લોકો દિવાના છે. કોમેડી સિવાય તેણે એક્ટિંગમાં પણ પોતાનું ટેલેન્ટ બતાવ્યું છે. આ પછી કપિલ શર્મા હવે સિંગર તરીકે પોતાના કરિયરની નવી ઈનિંગ શરૂ કરવા જઈ રહ્યો છે.
સિંગર ગુરુ રંધાવાએ શેર કરી પોસ્ટ
સિંગર ગુરુ રંધાવાએ સોશિયલ મીડિયા પર એક પોસ્ટ શેર કરતાં તેના નવા ગીતનું પોસ્ટર શેર કર્યું છે, જેમાં તેની સાથે કપિલ શર્મા પણ જોવા મળી રહ્યો છે.ગુરુ રંધાવાએ તેના ઇન્સ્ટાગ્રામ હેન્ડલ પર તેના નવા ગીત અલોનનું પોસ્ટર શેર કરતાં કેપ્શનમાં લખ્યું, ‘અમે તમારી સાથે અલોન શેર કરવા માટે ખૂબ જ ઉત્સાહિત છીએ. કપિલ શર્માનું ડેબ્યુ ગીત સાંભળવા માટે આખી દુનિયા રાહ જોઈ શકતી નથી. આ ગીત 9 ફેબ્રુઆરીએ યુટ્યુબ પર રિલીઝ થશે.
આ પોસ્ટમાં કપિલ શર્મા તેની સાથે બ્રાઉન ઓવરકોટ, બ્લેક ટી-શર્ટ અને ડાર્ક સનગ્લાસ પહેરેલા જોવા મળે છે. બંનેએ એક ફોટોમાં ડાર્ક સનગ્લાસ પહેર્યા છે.
ગુરુ રંધાવાની આ પોસ્ટ પર પોતાની પ્રતિક્રિયા આપતા ગાયક મીકા સિંહે લખ્યું, ‘શું વાત છે. એક ફ્રેમમાં બે રોકસ્ટાર. આ સિવાય રેપર બાદશાહ અને રાઘવ સચ્ચરે પણ કપિલ શર્માની પોસ્ટ પર કોમેન્ટ કરી છે. લાંબા સમય બાદ કપિલ શર્મા જ્વિગાટો’થી જોરદાર કમબેક કરવા જઈ રહ્યો છે. 17 માર્ચ, 2023ના રોજ તેની ફિલ્મ થિયેટરોમાં આવશે. આ ફિલ્મને નંદિતા દાસે ડિરેક્ટ કરી છે. ફિલ્મની સ્ટોકી એક ડિલિવરી બોયની આસપાસ ફરે છે જે પૈસા માટે સંઘર્ષ કરી રહ્યો છે.
