Today Gujarati News (Desk)
એક એવી સીરીયલ જેના એક એક કેરેક્ટર હાલ પણ બધાને યાદ હશે, અને મોટા ભાગના લોકોનું બાળપણ તો આ સીરિયલ જોઇને વિત્યુ હશે. સીરિયલ રામાયણ જેમાં રામ અને સીતાને કોણ ભૂલી શકે? આજે પણ જ્યારે રામાયણની વાત થાય છે ત્યારે તેમની જોડી યાદ આવી જાય છે.
આ તેમના કેરેક્ટરની અસર હતી કે, હકીકતમાં લોકો તેમને ભગવાનની જેમ પૂજવા લાગ્યા હતા…35 વર્ષ પછી હવે આ જોડી ટીવી પર ફરી એકવાર ધમાલ મચાવવા માટે તૈયાર છે.એકટ્રેસે એક વીડિયો સોશિયલ મીડિયામાં શેર કર્યો છે. આ વીડિયોમાં રામ અને સીતા બંને એકસાથે જોવા મળે છે. વિડિયોમાં દીપિકા સાડી પહેરીને પૂજા કરતી જોવા મળે છે. આ વીડિયો તેમના નવા પ્રોજેક્ટના શૂટિંગનો છે.
વિડિયોમાં દીપિકાનો લુક એકદમ સિમ્પલ જોવા મળ્યો આ સાથે જ દિપિકા તેની વેનિટી વેનમાં બેસીને સ્ક્રિપ્ટ વાંચતા જોવા મળ્યા. વેનિટી વેનમાં એક કાગળની સ્લિપ લાગેલી છે. જેમાં ઉપર શારદાનું નામ અને નીચે દીપિકાનું નામ લખેલું છે. જેથી અનુમાન લગાવી શકાય છે કે, રામ અને સીતાના આ નવા પ્રોજેક્ટમાં દીપિકા ‘શારદા’નામના કેરેક્ટરમાં જોવા મળશે. આ વીડિયો શેર કરતાની સાથે જ રામ-સીતાના ફેન્સમાં એક નવો ઉત્સાહ જોવા મળ્યો હતો. દીપિકાના ફેન્સ વીડિયો પર ખૂબ જ પ્રેમ વરસાવી રહ્યાં છે.
