ફિલ્મ ‘તુ જૂઠી મેં મક્કાર’ નું ટ્રેલર થયું રિલીઝઃ રણબીર કપૂર અને શ્રદ્ધા કપૂરની જોરદાર કેમેસ્ટ્રી જોવા મળી

Today Gujarati News (Desk)

ફિલ્મ પઠાણથી વર્ષ 2023ની શરૂઆત થઈ રહી છે. ફિલ્મ અંગે દર્શકોમાં ક્રેશ જોવા મળી રહ્યો છે. આ સિવાય પણ કેટલીક જોડીઓ ફિલ્મી પડદે જોવા મળશે. રણબીર કપૂર અને શ્રદ્ધા કપૂરની જોડી પણ ફિલ્મ ‘તૂ જુઠી મે મક્કાર’માં જોવા મળશે. આ લવ ડ્રામાંનું આજે ટ્રેલર જાહેર કરવામાં આવ્યું છે. લવ રંજનની આ ફિલ્મમાં બંને કલાકાર લવ અને કોમેડીનો તડકો લગાવતા જોવા મળી રહ્યા છે. 

ફિલ્મનું ટ્રેલર મસ્તીથી ભરપૂર જોવા મળી રહ્યું છે. રણબીર અને શ્રદ્ધા બંને પોતાની ભૂમિકામાં જામી રહ્યા છે. બંનેનો મસ્તીખોર અંદાજ બતાવી રહ્યો છે કે ફિલ્મમાં ખૂબ જ ફન જોડવામાં આવ્યું છે. ત્યારે ફિલ્મમાં એક સરપ્રાઈઝ એલિમેન્ટ પણ છે અને તે બોની કપૂર છે. ફિલ્મ મેકર બોની કપૂર પ્રથમ વખત આ ફિલ્મના માધ્યમથી અભિનયની શરૂઆત કરી રહ્યા છે. રણબીર કપૂર અને શ્રદ્ધા કપૂર માટે આ ફિલ્મ અનેક રીતે મહત્વની છે. આ પ્રથમ તક છે જ્યારે બંને ફિલ્મી પડદે સાથે જોવા મળશે. જો કે બંને કલાકાર બાળપણથી એકબીજાને ઓળખે છે. બંનેની વચ્ચે સારી બોન્ડિંગ છે જે ટ્રેલરમાં જોવા મળી રહી છે. બંનેના પિતા ઋષિ અને શક્તિ કપૂર પણ અનેક ફિલ્મોમાં સાથે કામ કરી ચૂક્યા છે. આવામાં ચાહકો માટે આ સ્ટાર કિડસને સાથે જોવું ખૂબ જ ખાસ હશે.

રાહુલ મોદી અને લવ રંજને આ ફિલ્મને સાથે લખી છે. આ અગાઉ ફિલ્મ ‘પ્યાર કા પંચનામા’ અને ‘સોનૂ કે ટીટૂ કી સ્વીટી’ લાવી ચૂક્યા છે. આવામાં દર્શકોને આ ફિલ્મ સાથે ઘણી આશાઓ છે. ફિલ્મમાં ડિમ્પલ કાપડિયા પણ મહત્વપૂર્ણ ભૂમિકામાં છે. ફિલ્મ 8 માર્ચના રોજ રિલીઝ થશે.