બાગેશ્વર ધામના પીઠાધીશ્વર ધીરેન્દ્ર શાસ્ત્રીના ભાઈની પોલીસે કરી ધરપકડ, જાણો શું છે વિવાદ

Today Gujarati News (Desk)

મધ્યપ્રદેશના બાગેશ્વર ધામ સરકારના ભાઈ શાલિગ્રામ ગર્ગની પોલીસે ધરપકડ કરી છે. ધરપકડ બાદ છતરપુર પોલીસે તેને કોર્ટમાં રજૂ કર્યો હતો. પોલીસે શાલિગ્રામ ગર્ગની છતરપુર જિલ્લામાંથી જ ધરપકડ કરી છે.  છેલ્લા ઘણા સમયથી તેમની ધરપકડનું દબાણ વધતાં આખરે પોલીસને કાર્યવાહીની ફરજ પડી હતી. 

શાલિગ્રામ ગર્ગનો વીડિયો સોશિયલ મીડિયા પર વાયરલ થયો હતો. આ વાયરલ વીડિયોમાં શાલીગ્રામ દલિત પરિવારના ઘરમાં ઝઘડો કરતી વખતે હંગામો મચાવી રહ્યો હતો. આ પરિવારમાં દીકરીના લગ્ન હતા આ દરમિયાન બાગેશ્વર ધામ સરકારનો નાનો ભાઈ નશાની હાલતમાં લગ્નમાં પહોંચ્યો હતો અને હંગામો મચાવવા લાગ્યો હતો.

આ દરમિયાન શાલિગ્રામ ગર્ગે પરિવારના સભ્યો સાથે મારપીટ પણ કરી હતી. શાલિગ્રામના હાથમાં પિસ્તોલ હતી જેનાથી તે વારંવાર હવામાં ફાયરિંગ કરી રહ્યો હતો. કહેવામાં આવી રહ્યું છે કે, આ વિવાદ લગ્નમાં વાગી રહેલા ગીતને લઇને થયો હતો.