મહાઠગ કિરણ પટેલના પત્નીની ધરપકડ, છેતરપિંડી મામલે ક્રાઈમ બ્રાન્ચની કાર્યવાહી

Today Gujarati News (Desk)

મહાઠગ કિરણ પટેલના પત્ની માલિની પટેલની ક્રાઈમ બ્રાન્ચની ટીમે ધરપકડ કરી છે. છેતરપિંડી મામલે માલિની પટેલ સામે કાર્યવાહી કરવામાં આવી છે. ગુજરાત સરકારના પૂર્વ મંત્રીના ભાઈની ફરિયાદના આધારે કિરણ પટેલના પત્નીની ધરપકડ કરવામાં આવી છે. 

મહાઠગ કિરણ પટેલની પત્ની માલિની પટેલની અમદાવાદ ક્રાઇમ બ્રાન્ચે ધરપકડ કરી છે.સિંધુભવન રોડ પરના જગદીશપુરમ બંગલો પચાવી પાડવાના કેસમાં તેની ધરપકડ કરવામાં આવી છે. માલિની પટેલની ક્રાઈમ બ્રાન્ચની ટીમે નડિયાદથી ધરપકડ કરી છે.  આ મામલે થોડા દિવસ અગાઉ ક્રાઇમ બ્રાન્ચે ગુનો દાખલ કર્યો હતો.