Today Gujarati News (Desk)
જાપાનના વડાપ્રધાન ફુમિયો કિશિદાએ આજે ભારતના પ્રવાસે છે. જાપાનના વડાપ્રધાને દિલ્હીમાં હૈદરાબાદ હાઉસ ખાતે વડાપ્રધાન નરેન્દ્ર મોદી સાથે મુલાકાત કરી હતી. બંને નેતાઓએ સંરક્ષણ અને સુરક્ષા, વેપાર અને રોકાણ તથા હાઈ ટેક્નોલોજી સહિત અનેક ક્ષેત્રોમાં દ્વિપક્ષીય સંબંધોને વધારવા પર વાતચીત કરી હતી. આ દરમિયાન પીએમ મોદીએ જાપાનના પીએમને કદમવુડની જાળી વાળા બોક્સમાં કર્ણાટકના ચંદનથી બનેલી બુદ્ધની પ્રતિમા ભેટમાં આપી હતી.ચંદનની કોતરણીની કળા એક ઉત્કૃષ્ટ અને પ્રાચીન હસ્તકલા છે. તે સદીઓથી કર્ણાટકમાં પ્રચલિત છે. આ હસ્તકલામાં, સુગંધિત ચંદન બ્લોક્સમાં જટિલ ડિઝાઇન કોતરવામાં આવે છે. આના દ્વારા જટિલ કોતરણી, શિલ્પો અને અન્ય સુશોભન વસ્તુઓ બનાવવામાં આવે છે.વિદેશ સચિવ વિનય મોહન ક્વાત્રાએ માહિતી આપી હતી કે, જાપાનના વડાપ્રધાન ફુમિયો કિશિદા વડાપ્રધાન મોદીને મળવા ભારતની મુલાકાતે છે. જાપાન સાથેના સંબંધો ભારત માટે વિશેષ સ્થાન ધરાવે છે. જાપાન એવા કેટલાક દેશોમાંનો એક છે જેની સાથે ભારત વાર્ષિક સમિટની વ્યવસ્થા કરે છે. જાપાનના વડાપ્રધાન કિશિદાએ વડાપ્રધાન મોદીને G7 હિરોશિમા સમિટમાં ઔપચારિક રીતે આમંત્રણ આપ્યું હતું અને વડાપ્રધાન મોદીએ આમંત્રણ સ્વીકાર્યું છે.
