Today Gujarati News (Desk)
વડોદરા શહેરના દાંડિયા બજાર વિસ્તારમાં ફૂટપાથ પર રહેતી વૃદ્ધ મહિલાના માથામાં પથ્થર મારીને મોતને ઘાટ ઉતારી દેનાર શખ્સની પોલીસે ધરપકડ કરી છે. આધેડ મહિલાએ શારીરિક છેડછાડ કરવા સામે પ્રતિકાર કરતા હવસખોરે માથામાં પથ્થર મારીને મોતને ઘાટ ઉતારી દીધી હતી. આ રહસ્યમય હત્યાના બનાવના CCTV ફૂટેજના આધારે પોલીસે પર્દાફાશ કર્યો છે. હત્યાના CCTV સામે આવ્યા છે. જેમાં આરોપી મહિલાની પથ્થર મારીને હત્યા કરતો દેખાય છે.
મહિલા ઊંઘમાથી જાગી ગઈ
વડોદરા શહેરના દાંડિયા બજાર વિસ્તારમાં અગરબત્તીની દુકાન પાસે રહેતા અને દિવસો પસાર કરતા 69 વર્ષિય સવિતાબેન કિશનભાઇ દેવીપૂજક રાતના સમયે સૂઈ રહ્યા હતા. આ દરમિયાન ગુનાહિત ઇતિહાસ ધરાવતો નજીર ઉર્ફે ટકલો રહીમ શેખ તેઓની પાસે પહોંચી ગયો હતો અને શારીરિક છેડછાડ કરવાનું શરૂ કર્યું હતું. શારીરિક છેડછાડ થતાંની સાથે જ સવિતાબેન ઊંઘમાંથી ઉઠી ગયા હતા અને પ્રતિકાર કર્યો હતો. સવિતાબેને પ્રતિકાર કરતા જ રોષે ભરાયેલા નજીર ઉર્ફ ટકલો નજીકમાં પડેલ મોટો પથ્થર લઈ આવ્યો હતો અને સવિતાબેનના માથામાં મારી મોતને ઘાટ ઉતારીને ફરાર થઈ ગયો હતો.
