ગુજરાતમાં એક ટોળાએ પેટ્રોલ પંપમાં લૂંટ ચલાવી હતી. ટોળામાં આવેલા 25 લોકોએ જે પેટ્રોલની લૂંટ ચલાવી અને કર્મચારીઓ પર હુમલો કર્યો તે પેટ્રોલ ભાજપના ધારાસભ્ય શૈલેષ મહેતાના પુત્રનું છે. મંગળવારે રાત્રે વડોદરા જિલ્લાના ખોડિયારનગરમાં પેટ્રોલ પંપ પર આ ઘટના બની હતી. હુમલાને કારણે પેટ્રોલ પંપના કર્મચારીને માથામાં ઈજા થઈ હતી અને તેને હોસ્પિટલમાં દાખલ કરવામાં આવ્યો હતો. ઘટનાના કલાકોમાં જ હરણી પોલીસે આજવા રોડ પરના એકતા નગરમાંથી ચીકુ શીખલીગર અને ક્રિપાલ સિંહ શીખલીગર નામના બે લોકોની ધરપકડ કરી હતી.
પોલીસે જણાવ્યું કે, હંગામો ત્યારે શરૂ થયો જ્યારે બાઇક પર સવાર ચાર લોકો પેટ્રોલ ભરવા પેટ્રોલ પંપ પર પહોંચ્યા. પોલીસે જણાવ્યું કે, ‘તેમાંથી એક મહિલા કર્મચારીને નાની બાબતે દુર્વ્યવહાર કરવા લાગ્યો અને થોડી જ વારમાં અન્ય લોકો પણ તેની સાથે જોડાઈ ગયા. જ્યારે પુરુષ કર્મચારીએ દરમિયાનગીરી કરવાનો પ્રયાસ કર્યો, ત્યારે આરોપીએ તેની સાથે ગેરવર્તન કર્યું અને મારપીટ શરૂ કરી. આરોપીઓએ પેટ્રોલ પંપના કર્મચારી વિશાલ પરમાર પાસેથી રૂ. 90 હજારની લૂંટ કરી, જાનથી મારી નાખવાની ધમકી આપી, માથામાં ફટકો મારી ફરાર થઈ ગયા હતા.
હંગામા દરમિયાન, એક આરોપીએ ફોન કર્યો અને થોડીવારમાં લગભગ 20 અન્ય લોકો પંપ પર પહોંચી ગયા અને કર્મચારીઓ સાથે મારપીટ કરવા લાગ્યા. ટોળાના ગયા બાદ કર્મચારીએ પોલીસને બોલાવી હતી. પોલીસે કહ્યું, ‘ક્રાઈમ બ્રાન્ચને સામેલ કરવા ઉપરાંત અમે 45 પોલીસકર્મીઓની એક ટીમ બનાવી અને આરોપીઓને પકડવા માટે તેમની શોધ કરી. બે આરોપીઓની ધરપકડ કરવામાં આવી છે જ્યારે અન્ય આરોપીઓની ઓળખ માટે કાર્યવાહી ચાલી રહી છે.
પોલીસે જણાવ્યું હતું કે આ આયોજનબદ્ધ લૂંટ હોઈ શકે છે. પોલીસે કહ્યું, ‘ઝઘડો શરૂ કરવો અને પછી કર્મચારીને લૂંટવો એ તેમની મોડસ ઓપરેન્ડી હતી. તેણે ગુનો કરતા પહેલા ગુનાના સ્થળની તપાસ કરી હશે. એક આરોપી, જેનો હજુ સુધી કોઈ પત્તો લાગ્યો નથી, તે હિસ્ટ્રીશીટર છે.
