હિન્દુ ધર્મમાં તુલસીના છોડને પવિત્ર અને પૂજનીય માનવામાં આવે છે. શાસ્ત્રો અનુસાર એવું માનવામાં આવે છે કે જે ઘરમાં તુલસીનો છોડ હોય છે. ત્યાં ક્યારેય નકારાત્મક ઉર્જા નથી હોતી. તેની સાથે ભગવાન વિષ્ણુ અને માતા લક્ષ્મીની કૃપા રહે છે. તેથી તુલસીની નિયમિત પૂજા કરવી જોઈએ. પરંતુ ઘણી વખત તુલસી પૂજા કરતી વખતે કેટલીક ભૂલો થઈ જાય છે અથવા એવાં પગલાં લેવામાં આવે છે જેના કારણે પૂજાનું પૂર્ણ ફળ મળતું નથી. જાણો તુલસીનો છોડ ક્યારે વાવો. આ સાથે પૂજા કરવાથી કેવી રીતે શુભ ફળ મળે છે.
તુલસીને કયા સમયે જળ ચઢાવવું જોઈએ?
શાસ્ત્રો અનુસાર સૂર્યોદય સમયે તુલસીના છોડને જળ અર્પિત કરવું શ્રેષ્ઠ માનવામાં આવે છે. તેથી સ્નાન કર્યા પછી સૂર્યોદય સમયે તુલસીને જળ અર્પિત કરો. આમ કરવાથી ઘરમાં સુખ-સમૃદ્ધિ આવે છે અને આર્થિક સંકટમાંથી મુક્તિ મળે છે. તેની સાથે ઘરનું વાતાવરણ પણ સારું રહે છે.
તુલસીને પાણી ક્યારે ન ચઢાવવું?
મોટાભાગના લોકોને અઠવાડિયામાં દરરોજ તુલસીના છોડને પાણી ચઢાવવાની આદત હોય છે. પરંતુ આમ કરવું પ્રતિબંધિત છે. એવું માનવામાં આવે છે કે રવિવારે તુલસીના છોડને પાણી ન ચઢાવવું જોઈએ, કારણ કે તે આ દિવસે આરામ કરે છે. આ સિવાય એકાદશીના દિવસે પણ પાણી ન ચઢાવવું જોઈએ, કારણ કે આ દિવસે માતા તુલસી ભગવાન વિષ્ણુ માટે નિર્જળ વ્રત રાખે છે.
આ રીતે કરો તુલસીની પૂજા
નિયમિત રીતે માતા તુલસીની પૂજા કરવાથી વિશેષ ફળ મળે છે. સ્વચ્છ તાંબા અથવા ચાંદીના વાસણમાં પાણી લો અને ધીમે ધીમે તુલસીના છોડના પાયા પર ભક્તિભાવથી અર્પણ કરો. આ સાથે તુલસીના મંત્ર, પ્રાર્થના અથવા સ્તુતિનો જાપ કરવો જોઈએ.
તુલસી સ્તુતિ મંત્ર
देवी त्वं निर्मिता पूर्वमर्चितासि मुनीश्वरैः
नमो नमस्ते तुलसी पापं हर हरिप्रिये।।
જળ અર્પણ કર્યા પછી, સિંદૂર અને અક્ષત લગાવવાની સાથે, તુલસીના કેટલાક પાન તોડીને, તમારા કપાળ પર સ્પર્શ કરો અને મૂળની પાસે અર્પણ કરો. પાન ચઢાવવાની સાથે સાકર, ખાંડ, ગોળ અથવા મીઠાઈઓ અર્પણ કરો. આ પછી પાણી ચઢાવો. જળ ચઢાવ્યા પછી ઘીનો દીવો અને ધૂપ પ્રગટાવો અને આરતી કરો. છેલ્લે, ભૂલ માટે માફી માગો. આ પછી, મૂળ પાસે થોડી માટી લો અને તેને કપાળ પર લગાવો. સાંજે નિયમિતપણે ઘીનો દીવો પ્રગટાવો.
