નવી દિલ્હીઃ પારલે જીનો ઈતિહાસ લગભગ 100 વર્ષ જૂનો થઈ ગયો છે. આ દેશના ખૂણે-ખૂણે મળી આવે છે. કેટલાક દાવાઓ મુજબ, પારલે જી ચીનમાં સૌથી વધારે વેચાનારી બિસ્કિટ છે. અલબત્ત, પાર્લે-જીની લોકપ્રિયતા માટેનું એક સૌથી મોટું કારણ તેનો પરિચિત સ્વાદ છે, બીજું એક મોટું કારણ છે જે પાર્લે-જીને બિસ્કિટની દુનિયાનો બેફામ રાજા બનાવે છે. તે છે તેની કિંમત. પારલે જીનું સૌથી નાનું પેક 1994માં 4 રૂપિયામાં મળતુ હતુ. આજે આપણે 2024માં છીએ અને સૌથી નાનું પેક 5 રૂપિયામાં મળે છે.
30 વર્ષમાં કંપનીએ તેના પ્રોડક્ટની કિંમત 1 રૂપિયો જ વધારી છે. પરંતુ આવુ કંપનીએ કેવી રીતે કર્યું, શું કંપની નુકસાનમાં રહીને લોકોને સસ્તી બિસ્કિટ વેચી રહી છે? આ પ્રકારના ઘણા સવાલ છે, જે હવે તમારા મનમાં ઉઠશે. કોઈપણ કંપની પોતે નુકસાન વેઠીને કંઈ કરતી નથી, તે વાત આપણે બધા જાણીએ છીએ. થોડા સમય માટે ભલે તે એવું કરી દે, પણ 30 વર્ષ સુધી આવું કરવું શક્ય નથી. તો પછી પારલે-જીએ આવું કેવી રીતે કર્યું?
પારલેએ શું કર્યું?- સ્વિગીના ડિઝાઈન ડિરેક્ટર સ્પતર્ષિ પ્રકાશે એક લિન્કડઈન પોસ્ટમાં તેની પાછળનું કારણ જણાવ્યું છે. તેમણે કહ્યું કે, સ્વિગીએ તેના માટે મનોવૈજ્ઞાનિક રીતનો ઉપયોગ કર્યો છે. તેમણે કહ્યું કે નાના પેકેટની ઈમેજ વ્યક્તિના મનમાં એટલી મજબૂત હોય છે કે જે પેકેટ હાથમાં ફિટ થઈ જાય છે તે એક નાનું પેકેટ છે. તે કહે છે કે પારલેએ ધીમે ધીમે પેકેટની સાઇઝ ઓછી કરી અને કિંમત સમાન રાખી. નોંધનીય છે કે જેમ જેમ પેકેટો નાના થતા ગયા તેમ તેમ તેની કિંમત ઘટી અને કંપની કિંમતો જાળવી રાખવામાં સફળ રહી.
કેવી રીતે ઘટ્યો વજન- પ્રકાશ જણાવે છે કે, પારલે જીનું નાનું પેકેટ 100 ગ્રામનું હતું, તેને ઘટાડીને 92 ગ્રામની આસપાસ કરી દેવામાં આવ્યું. ત્યારબાદ તે 88 ગ્રામનું થયું અને આજે પારલે જી 55 ગ્રામના પેકેટમાં મળે છે. તેઓ કહે છે કે, 1994થી હજુ સુધી પારલે જીના વજનમાં 45 ટકાનો કપાત કરવામાં આવી ચૂક્યો છે. તેઓ કહે છે કે, અન્ય FMCG કંપનીએ પણ આ ટ્રિકનો ઉપયોગ કરે છે. પ્રકાશના અનુસાર, તેને ગ્રેસફુલ ડિગ્રેશન કહેવામાં આવે છે.
કોણ છે પારલે-જીના માલિક- પારલે પોર્ડક્ટના ચેરમેન અને એમડી વિજય ચૌહાણ છે. તે અને તેમનો પરિવાર આ કંપની ચલાવે છે. પારલે ગ્રુપ 3 અલગ-અલગ કંપનીઓમાં વહેંચાયેલું હતુ, તમાંથી એક પારલે પ્રોડક્ટ છે. આ કંપનીની પાસે પારલે-જી ઉપરાંત મેલોડી, મેંગો બાઈટ, મેજિક્સ અને પોપિન્સ જેવી પ્રોડક્ટ છે. જ્યારે, પારલે એગ્રો અંતર્ગત ડ્રિંક્સ ચલાવે છે. જેમ કે, એપ્પી ફિજ અને ફ્રૂટી. ત્રીજો હિસ્સો પારલે બિસ્લેરી છે અને નામથી સ્પષ્ટ છે કે, આ કંપની બિસલેરીની માલિક છે. આ ત્રણ કંપનીઓની વહેંચણી બાદ ચૌહાણ પરિવારના અલગ-અલગ લોકો દ્વારા ચલાવવામાં આવે છે.
