અભિનેતા આયુષ શર્માની આગામી ફિલ્મ ‘રુસલાન’નું ધમાકેદાર ટીઝર રિલીઝ થઈ ગયું છે. ફિલ્મમાં આયુષ શર્મા જબરદસ્ત એક્શન અવતારમાં જોવા મળી રહ્યો છે. ‘એન્ટીમ’ પછી આયુષ ફરી એકવાર મોટા પડદા પર એક્શન કરતો જોવા મળશે. પરંતુ આ વખતે આયુષનું પાત્ર પહેલા કરતા વધુ પાવરફુલ લાગે છે.
જ્યારથી ટીઝર રિલીઝ થયું છે ત્યારથી દર્શકોમાં આ ફિલ્મને લઈને ઘણો ઉત્સાહ જોવા મળી રહ્યો છે. ટીઝરમાં આયુષ ઉપરાંત જગપતિ બાબુ, ઝહીર ઈકબાલ અને સુશ્રી મિશ્રા પણ જોવા મળે છે. ફિલ્મના ટીઝરની સાથે મેકર્સે તેની રિલીઝ ડેટ પણ જાહેર કરી દીધી છે. ‘રુસલાન’ 26 એપ્રિલે સિનેમાઘરોમાં રિલીઝ થશે.
