Gujarat News: વડોદરામાં આવેલી ગોત્રી મેડિકલ કોલેજમાં અભ્યાસ કરતી વિદ્યાર્થિની સાથે ઇન્ટર્ન ડોક્ટર દ્વારા સૃષ્ટિ વિરુદ્ધનું કૃત્ય આચરવામાં આવ્યું હોવાની ઘટના બની છે. બનાવમાં વિદ્યાર્થિની દ્વારા નોંધાવવામાં આવેલી ફરિયાદના આધારે પોલીસે ગુનો નોંધીને આગળની કાર્યવાહી હાથ ધરી હતી અને આરોપીની ધરપકડ કરી હતી.
20 વર્ષીય યુવતી ગોત્રી મેડિકલ કોલેજમાં એમબીબીએસનો અભ્યાસ કરી રહી છે
20 વર્ષીય યુવતી ગોત્રી મેડિકલ કોલેજમાં એમબીબીએસનો અભ્યાસ કરી રહી છે. આજ કોલેજમાં ગાંધીનગરનો નિર્ભય જોશી ફાઇનલ યરમાં અભ્યાસ કરી રહ્યો છે અને ઇન્ટર્નશીપ કરે છે. નિર્ભય સિનિયર હોવાથી વિદ્યાર્થિની તેના સંપર્કમાં આવી હતી અને અભ્યાસઅર્થે અવાર-નવાર મુલાકાત થતી હતી. નિર્ભયે યુવતીનું વોઇસ રેકોર્ડિંગ કરી લીધું હતું અને તેના આધારે તે યુવતીને બ્લેઇકમેલ કરી રહ્યો હતો. જો તું મારી સાથે મિત્રતા નહીં રાખે તો આ વોઇસ રેકોર્ડિંગ વાઇરલ કરી દઇશ તેવી ધમકીઓ આપી રહ્યો હતો.
નિર્ભયે 15 માર્ચના રોજ યુવતીને વોઇસ રેકોર્ડિગ જે પેનડ્રાઇવમાં છે તે આપવા માટે તેને બોલાવી હતી અને કોલેજની છત પર લઇ ગયો હતો. જ્યાં વોઇસ રેકોર્ડિગ ડિલિટ કરવાના નામે યુવતી સાથે સૃષ્ટિ વિરુદ્ધનું કૃત્ય આચર્યું હતું. બનાવ બન્યા બાદ સૃષ્ટિ વિરુદ્ધના કૃત્યનો ભોગ બનનાર પીડિતાએ સૌપ્રથમ બનાવ અંગે પોતાની બહેનપણીને જાણ કરી હતી અને ત્યારબાદ હિંમત રાખીને માતાને જાણ કર્યા બાદ આરોપી ઇન્ટર્ન ડોક્ટર વિરુદ્ધ ગોરવા પોલીસમાં ફરિયાદ કરવામાં આવી હતી. ફરિયાદના આધારે પોલીસે નિર્ભય જોશીની ધરપકડ કરી આગળની કાર્યવાહી હાથ ધરી છે.
વિદ્યાર્થિનીને દોઢ કલાક સુધી ટોર્ચર કરી હતી
વિદ્યાર્થિની મજબુરીવશ મળવા માટે છત પર ગઇ હતી જ્યાં નિર્ભયે તેની સાથે અભદ્ર વ્યવહાર કરવાની શરૂઆત કરી દીધી હતી. તેમજ વિદ્યાર્થિનીના બરડામાં નખ પણ માર્યા હતા જેના નિશાન પડી ગયા હતા. વિદ્યાર્થિની સાથે અપ્રાકૃતિક સેક્સ કર્યું હતું. રાત્રે સાડા દશતી 12 વાગ્યા સુધી વિદ્યાર્થિનીને સતત ટોર્ચર કરી હતી. પોલીસ દ્વારા આજે નિર્ભય જોશીને કોર્ટમાં રજૂ કરીને રિમાન્ડની માગણી કરવામાં આવનારી છે. તેમજ આ વિદ્યાર્થિની સિવાય નિર્ભયે અન્ય કોઇ યુવતીને બ્લેકમેઇલ કરી છે કે નહીં તે અંગે પણ તપાસ હાથ ધરવામાં આવનારી છે.
