National News: ભારત મંડપમ ખાતે સોમવારથી શરૂ થનારા સ્ટાર્ટઅપ મહાકુંભમાં સફળતાની ગાથાઓ જોવા મળશે. તેમાં બે હજાર સ્ટાર્ટઅપ્સ ભાગ લઈ રહ્યા છે.
તેમાં 10 થીમ પેવેલિયન, એક હજારથી વધુ રોકાણકારો, 300 ઇન્ક્યુબેટર્સ અને એક્સિલરેટર્સ, ત્રણ હજાર કોન્ફરન્સ ડેલિગેટ્સ, 20થી વધુ દેશના પ્રતિનિધિમંડળો, તમામ ભારતીય રાજ્યોમાંથી ત્રણ હજાર સંભવિત ઉદ્યોગ સાહસિકો, 50થી વધુ યુનિકોર્ન અને 50,000થી વધુ બિઝનેસ મુલાકાતીઓનો સમાવેશ થશે.
ડિપાર્ટમેન્ટ ફોર પ્રમોશન ઓફ ઈન્ડસ્ટ્રી એન્ડ ઈન્ટરનલ ટ્રેડ (DPIIT)ના સેક્રેટરી રાજેશ કુમાર સિંહે જણાવ્યું કે, વડાપ્રધાન નરેન્દ્ર મોદી સોમવારથી શરૂ થઈ રહેલા ત્રણ દિવસીય સ્ટાર્ટઅપ મહાકુંભની મુલાકાત લઈ શકે છે.
આ મોટી કંપનીઓ ઇવેન્ટનું આયોજન કરી રહી છે
તેમણે કહ્યું કે આ કાર્યક્રમ ASSOCHAM, NASSCOM, બુટસ્ટ્રેપ ઇન્ક્યુબેશન અને એડવાઇઝરી ફાઉન્ડેશન, TiE અને ઇન્ડિયન વેન્ચર એન્ડ અલ્ટરનેટિવ કેપિટલ એસોસિએશન (IVCA) ના સહયોગી પ્રયાસો સાથે સંયુક્ત રીતે આયોજિત કરવામાં આવી રહ્યો છે.
આ ઈવેન્ટને DPIIT, મિનિસ્ટ્રી ઓફ ઈલેક્ટ્રોનિક્સ એન્ડ ઈન્ફોર્મેશન ટેક્નોલોજી સ્ટાર્ટઅપ હબ (MSH) અને ઈન્વેસ્ટ ઈન્ડિયા દ્વારા પણ સમર્થન મળે છે. ડીપીઆઈઆઈટીના જોઈન્ટ સેક્રેટરી સંજીવે જણાવ્યું કે આ ઈવેન્ટમાં 23 રાજ્યો ભાગ લઈ રહ્યા છે.
