Pakistan : પાકિસ્તાનના પૂર્વ વડાપ્રધાન બેનઝીર ભુટ્ટોની પુત્રી આસિફા ભુટ્ટો-ઝરદારીને શુક્રવારે નેશનલ એસેમ્બલીના સભ્ય તરીકે બિનહરીફ ચૂંટવામાં આવ્યા હતા. આસિફાએ સિંધ પ્રાંતના શહીદ બેનઝીરાબાદ (અગાઉ નવાબશાહ) વિસ્તારમાંથી નેશનલ એસેમ્બલી સીટ NA-207ની પેટાચૂંટણી માટે પોતાનું નામાંકન ભર્યું હતું.
વિસ્તારની રિટર્નિંગ ઑફિસ દ્વારા જારી કરાયેલી સૂચના અનુસાર, તેની સામે નામાંકન દાખલ કરનારા ત્રણેય ઉમેદવારોએ તેમના નામો પાછા ખેંચી લીધા પછી આસિફાને બિનહરીફ ચૂંટાયેલા જાહેર કરવામાં આવ્યા હતા. તેમના પિતા આસિફ અલી ઝરદારીના રાષ્ટ્રપતિ તરીકે ચૂંટાયા બાદ આ બેઠક ખાલી પડી હતી.
