RBI MPC Meeting: રિઝર્વ બેંક ઓફ ઈન્ડિયા (RBI MPC મીટીંગ)ની મોનેટરી પોલિસી મીટીંગ આજથી શરૂ થઈ છે. વર્તમાન નાણાકીય વર્ષ 2024-25ની આ પ્રથમ બેઠક છે. આ બેઠકમાં રેપો રેટની સાથે અન્ય ઘણા મહત્વના નિર્ણયો પણ સમિતિ દ્વારા લેવામાં આવશે.
આ બેઠક 3 એપ્રિલ 2024 થી 5 એપ્રિલ 2024 સુધી ચાલશે. બેઠકમાં લેવાયેલા નિર્ણયોની જાહેરાત રિઝર્વ બેંકના ગવર્નર શક્તિકાંત દાસ 5 એપ્રિલ, 2024ના રોજ કરશે. તમને જણાવી દઈએ કે આ બેઠકની અધ્યક્ષતા આરબીઆઈ ગવર્નર કરે છે. હાલમાં રેપો રેટ 6.5 ટકા છે.
આ વખતે પણ ઘણા નિષ્ણાતો રેપો રેટમાં કોઈ ફેરફાર નહીં થાય તેવી આગાહી કરી રહ્યા છે. તમને જણાવી દઈએ કે છેલ્લી વખત ફેબ્રુઆરી 2023માં સેન્ટ્રલ બેંકે રેપો રેટ વધારીને 6.5 ટકા કર્યો હતો.
