Kulcha Recipe: આજકાલ અમદાવાદના સ્ટ્રીટ ફૂડમાં છોલે-કુલચા એ પણ સ્થાન લઈ લીધું છે. બપોરના ભોજનમાં ઘણા અમદાવાદીઓ છોલે-કુલચાને પસંદ કરી રહ્યા છે. આજે બજારમાં મળથા કુલચા જેવા કુલચા ઘરે કેવી રીતે બનાવવા તેની રેસિપી ગુજરાતી જાગરણ તમને અહીં જણાવશે.
કુલચા બનાવવાની સામગ્રી
- 2 કપ મેંદા લોટ,
- 1/2 કપ દહીં,
- 1 ચમચી ખાંડ,
- 1/2 ચમચી બેકિંગ સોડા,
- 2-3 ચમચી તેલ,
- કાળા તલ,
- કોથમીર,
- પાણી.
કુલચા બનાવવાની રીત
સ્ટેપ- 1
એક બાઉલમાં મેંદાનો લોટ, ખાંડ, બેકિંગ સોડા, મીઠું, 2-3 ચમચી તેલ અને દહીં ઉમેરીને સારી રીતે મિક્સ કરી લો.
સ્ટેપ- 2
હવે તેમાં જરૂર મુજબ પાણી નાખીને લોટ બાંધીને તેમાં થોડું તેલ લગાવીને 1 કલાક સેટ થવા માટે રાખો.
સ્ટેપ- 3
હવે લોટના લૂઆ બનાવીને તેને મેંદાના સૂકા લોટમાં લપેટી લો અને તેને ગોળ આકારના કુલચા વણી લો.
સ્ટેપ- 4
કુલચા પર થોડા કાળા તલ અને કોથમીરના પાન ગાર્નિશ કરીને તેને ફરીથી વણી લો.
સ્ટેપ- 5
હવે લોખંડના તવા પર કુલચાને મૂકીને બંને બાજુ ફુલચા બ્રાઉન થાય ત્યાં સુધી શેકી લો. હવે કુલચા ઉપર થોડું બટર લગાવીને સર્વ કરો.
