ઉનાળામાં આ રીતે ઘરે જ બનાવો મેંગો જામ, જાણો બનાવવાની રીત

બ્રેડ જામ સ્વાદિષ્ટ અને ઝટપટ તૈયાર થઈ જતો નાસ્તો હોય છે. બાળકો હોય કે મોટેરા, તેનો સ્વાદ દરેકને પસંદ આવે છે. આવી સ્થિતિમાં તમે જામને બહારથી ખરીદવાને બદલે ઘરે જ સરળતાથી તૈયાર કરી શકો છે. જામને અનેક ફ્લેવરમાં બનાવી શકાય છે, આજે અમે તમને મેંગો જામ બનાવવાની રેસિપી જણાવીશું. જેને ફોલો કરીને તમે સરળતાથી મેંગો જામ બનાવી શકો છો. આ જામની ખાસ વાત તો એ છે કે તેને લાંબા સમય સુધી કંઈ થતું નથી. એટલે કે તેને લાંબા સમય સુધી સ્ટોર કરીને રાખી શકાય છે. તો ચાલો જાણી લો આ રેસિપી…

મેંગો જામ બનાવવા માટે સામગ્રી

• 1 કપ કાચી કેરી
• 3 કપ પાકી કેરી
• 1/2 કપ દળેલી ખાંડ
• 1 ચમચી વરિયાળી
• 4થી 5 નાની એલચી

બનાવવાની રીત

1. મેંગો જામ બનાવવા માટે સૌથી પહેલા 1 કપ કાચી કેરીની સાથે ત્રણ ગણી માત્રામાં પાકી કેરીને બ્લેન્ડરમાં નાખીને પીસી લો.
2. આ પછી તેમાં ખાંડ, વરિયાળી અને નાની એલચીનો પાવડર નાખીને પીસી લો.
3. આ પછી તૈયાર કરેલી પ્યુરીને એક પેનમાં કાઢી લો અને તેને મધ્યમ તાપ પર 15થી 20 મિનિટ સુધી પકાવો. ત્યારબાદ ગેસ બંધ કરી દો.
4. ખાસ ધ્યાન રાખો કે પ્યુરી ઘટ્ટ થાય ત્યાં સુધી તેને પકાવાની છે. હવે તૈયાર કરેલી પ્યુરીને ઠંડી કર્યા બાદ કાચની બોટલમાં ભરી લો.
5. તૈયાર છે તમારો ટેસ્ટી મેંગોનો જામ. તમે આ જામને પરાઠા, ટોસ્ટ અને કસ્ટર્ડમાં લગાવીને ખાઈ શકો છો.