Today Gujarati News (Desk)
આવકવેરા વિભાગે ગુરુવારે (5 ઓક્ટોબર) સવારે ડીએમકે સાંસદ એસ જગતરક્ષકન સાથે જોડાયેલા 40 થી વધુ સ્થળો પર સર્ચ હાથ ધર્યું હતું. ઈન્કમટેક્સ વિભાગના અધિકારીઓએ ચેન્નાઈના ટી-નગરમાં સર્ચ ઓપરેશન હાથ ધર્યું હતું. આ પહેલા બુધવારે (4 ઓક્ટોબર) એન્ફોર્સમેન્ટ ડિરેક્ટોરેટે આમ આદમી પાર્ટીના રાજ્યસભા સાંસદ સંજય સિંહના સત્તાવાર નિવાસસ્થાને દરોડા પાડ્યા હતા, ત્યારબાદ તેમની ધરપકડ કરવામાં આવી હતી.
પ્રારંભિક માહિતી અનુસાર, આવકવેરા વિભાગના અધિકારીઓ MP એસ જગતરક્ષકના 40 થી વધુ સ્થળો પર સર્ચ કરી રહ્યા છે.
જગતરક્ષકન અરક્કોનમથી લોકસભાના સાંસદ છે.
સમાચાર એજન્સી પીટીઆઈના સૂત્રોના જણાવ્યા અનુસાર, જાગતરક્ષકની કેટલીક શૈક્ષણિક સંસ્થાઓ સહિત ઘણી જગ્યાઓ પર સર્ચ કરવામાં આવી રહ્યું છે. એસ જગતરક્ષકન અરક્કોનમથી લોકસભાના સાંસદ છે.
અગાઉ, આવકવેરા વિભાગે જેલમાં બંધ DMK મંત્રી સેંથિલ બાલાજી સાથે જોડાયેલા કરુર (તામિલનાડુ)માં લગભગ 10 જગ્યાઓ પર દરોડા પાડ્યા હતા. એન્ફોર્સમેન્ટ ડિરેક્ટોરેટ દ્વારા 14 જૂને મની લોન્ડરિંગ કેસમાં તેની ધરપકડ કરવામાં આવી હતી.
