Today Gujarati News (Desk)
સંસદના વિશેષ સત્રના બીજા દિવસે મંગળવારથી બંને ગૃહોની કાર્યવાહી નવી બિલ્ડિંગમાં શરૂ થવા જઈ રહી છે. આ અવસરને યાદગાર બનાવવા માટે લોકસભા અને રાજ્યસભાના સભ્યોને ખાસ ભેટ આપવામાં આવશે.
સાંસદોને અન્ય ભેટોની સાથે ભારતીય બંધારણની નકલ, સ્મારક સિક્કો અને નવી સંસદ પર સ્ટેમ્પ ધરાવતી પુસ્તિકા તેમજ સંસદ ભવનનું સીલ ધરાવતી વિશેષ કીટ આપવામાં આવશે.
આ બેઠક 90 મિનિટ સુધી ચાલી હતી
તમને જણાવી દઈએ કે, સંસદના વિશેષ સત્રના પહેલા દિવસે સોમવારે વડાપ્રધાન નરેન્દ્ર મોદીની અધ્યક્ષતામાં કેન્દ્રીય કેબિનેટની બેઠક મળી હતી.
બેઠકમાં રાજનાથ સિંહ, અમિત શાહ, પીયૂષ ગોયલ, પ્રહલાદ જોશી, એસ. જયશંકર, નિર્મલા સીતારમણ, ધર્મેન્દ્ર પ્રધાન, નીતિન ગડકરી અને અર્જુન રામ મેઘવાલ સહિતના કેન્દ્રીય મંત્રીઓએ હાજરી આપી હતી. આ બેઠક લગભગ 90 મિનિટ સુધી ચાલી હતી.
આ વિશેષ સત્રમાં વિરોધ પક્ષોએ 9 મુદ્દાઓ પર સરકારને ઘેરવાનો એજન્ડા બનાવ્યો હતો. કોંગ્રેસ પ્રમુખ મલ્લિકાર્જુન ખડગેના ઘરે વિપક્ષી સહયોગી ઈન્ડિયા એલાયન્સના નેતાઓએ ગઈ કાલે બેઠક યોજી હતી અને સરકારને ઘેરવાની રણનીતિ તૈયાર કરી હતી. આ અંગે સોનિયા ગાંધીએ પીએમ મોદી (સંસદમાં પીએમ મોદી)ને એક પત્ર પણ લખ્યો છે, જેમાં 9 મુદ્દા ઉઠાવવામાં આવ્યા છે.
