Police seized heroin: પોલીસે સાબુની પેટીઓમાંથી 21 કરોડની કિંમતનું 2.5 કિલો હેરોઈન કર્યું જપ્ત, ત્રણની ધરપકડ

Today Gujarati News (Desk)

પોલીસે ગુવાહાટીના બહારના વિસ્તારમાંથી 21 કરોડ રૂપિયાનું હેરોઈન જપ્ત કરીને ત્રણ લોકોની ધરપકડ કરી છે. બાતમી મળ્યા બાદ પોલીસે રવિવારે રાત્રે આરોપી પાસેથી 2.527 કિલો માદક દ્રવ્યોનો જથ્થો જપ્ત કર્યો હતો.

આરોપીઓએ 198 સાબુની પેટીઓમાં ડ્રગ છુપાવ્યું હતું, જે પોલીસે જોરાબત વિસ્તારમાંથી જપ્ત કર્યું હતું. પકડાયેલ આરોપી મણિપુરનો રહેવાસી છે. છેલ્લા બે દિવસમાં પોલીસ દ્વારા આ બીજી સૌથી મોટી માદક દ્રવ્યોની જપ્તી છે. આ બે દિવસમાં પોલીસે 2 કરોડ રૂપિયાથી વધુની કિંમતના હેરોઈનથી ભરેલા 21 સાબુના બોક્સ જપ્ત કર્યા છે.