Today Gujarati News (Desk)
મણિપુર સરકારે સોમવારે લોકો અને સંસ્થાઓને રાજ્યની વર્તમાન પરિસ્થિતિ વિશે નકલી સમાચાર, જૂઠાણા, અફવાઓ અથવા ખોટી માહિતી ફેલાવવા અને પ્રકાશિત કરવાથી દૂર રહેવા જણાવ્યું છે, જો નિષ્ફળ જશે તો કડક કાયદાકીય પગલાં લેવામાં આવશે અને તેને રાજદ્રોહ તરીકે ગણવામાં આવશે.
ખોટી માહિતી ફેલાવવા બદલ રાજદ્રોહ હેઠળ કેસ નોંધવામાં આવશે. રાજ્યના મુખ્ય સચિવ વિનીત જોશી દ્વારા આ અંગેની સૂચના જારી કરવામાં આવી છે. જાતિ હિંસાથી પ્રભાવિત રાજ્યમાં શાંતિ અને સામાન્ય સ્થિતિ પુનઃસ્થાપિત કરવા સરકાર તમામ પ્રયાસો કરી રહી છે.
નોટિફિકેશનમાં કહેવામાં આવ્યું છે કે કોઈપણ વ્યક્તિ ખોટા ઈરાદા સાથે ખોટા સમાચાર, અફવાઓ અથવા તેના જેવા કોઈપણ પ્રચાર ફેલાવતો જોવા મળશે તો તે દેશદ્રોહ હેઠળ આવશે અને તેની સાથે કડક કાર્યવાહી કરવામાં આવશે. ખોટા સમાચારો અને અફવાઓથી રાજ્યમાં કાયદો અને વ્યવસ્થાની સ્થિતિ બગડી શકે છે.
તમને જણાવી દઈએ કે મણિપુરમાં 3 મેના રોજ આદિવાસી એકતા માર્ચ બાદ રાજ્યમાં ફાટી નીકળેલી વંશીય હિંસામાં 160થી વધુ લોકોના મોત થયા છે. ઇમ્ફાલ ખીણમાં રહેતા મેઇતેઇ સમુદાય વસ્તીના લગભગ 53 ટકા હિસ્સો ધરાવે છે, જ્યારે પર્વતીય વિસ્તારોમાં રહેતા કુકી અને નાગા જેવા આદિવાસીઓ વસ્તીના 40 ટકા હિસ્સો ધરાવે છે. ઈન્ડીજીનિયસ ટ્રાઈબલ લીડર્સ ફોરમ (આઈટીએલએએફ) એ સોમવારે મણિપુરના તમામ આદિવાસી જિલ્લાઓમાં આંદોલન શરૂ કરવાની ધમકી આપી છે જો રાજ્ય સરકાર મોરેહમાંથી પોલીસ કર્મચારીઓને તાત્કાલિક પરત નહીં ખેંચે.
4 રાજ્ય સરકારે જાહેરનામું બહાર પાડ્યું, આરોપીઓ સામે કડક કાર્યવાહી કરવામાં આવશે
મિઝોરમ મણિપુરના 12,600 વિસ્થાપિત લોકો માટે રાહત પેકેજની રાહ જોઈ રહ્યું છે આઈઝોલ: મિઝોરમ સરકાર વંશીય સંઘર્ષથી પ્રભાવિત મણિપુરના 12,600 વિસ્થાપિત લોકો માટે કેન્દ્ર તરફથી નાણાકીય સહાયની રાહ જોઈ રહી છે. મિઝોરમના ગૃહ કમિશનર અને સચિવ એચ લાલેંગમાવિયાએ જણાવ્યું હતું કે મુખ્ય પ્રધાન જોરામથાંગાએ મે મહિનામાં વિસ્થાપિત લોકો માટે તાત્કાલિક રાહત પેકેજ તરીકે 10 કરોડ રૂપિયાની માંગણી કરી હતી. મિઝોરમના ગૃહ વિભાગ અનુસાર શુક્રવાર સુધીમાં કુલ 12,611 લોકો મણિપુરથી મિઝોરમમાં પ્રવેશ્યા છે.
