Today Gujarati News (Desk)
ગુજરાત હાઈકોર્ટે વડોદરાના એક યુવકના બીજા લગ્નને રદબાતલ ઠેરવતા હુકમનામાને રદ કરીને નીચલી અદાલતને છ મહિનામાં પુરુષની અરજી પર નવેસરથી નિર્ણય લેવાનો નિર્દેશ આપ્યા બાદ વડોદરાના રહેવાસીના ત્રીજા લગ્ન અટવાઈ ગયા છે.
પ્રસ્તુત કેસમાં જ્યારે ડિવિઝન બેન્ચે વડોદરા કોર્ટના બ્રિટિશ મહિલા નાગરિક સાથેના લગ્નને રદબાતલ ઠેરવતા અને કેસને નીચલી કોર્ટમાં પાછો મોકલવાનો આદેશ આપ્યો હતો, ત્યારે વ્યક્તિએ રજૂઆત કરી હતી કે તેને ભવિષ્યમાં ભારે મુશ્કેલીઓનો સામનો કરવો પડશે. તેનું કારણ એ છે કે નીચલી અદાલતના તેમના લગ્ન સમાપ્ત કરવાના આદેશ પછી, તેણે અપીલની અવધિ પૂરી થાય ત્યાં સુધી રાહ જોઈ. બીજી તરફ તેની પત્નીએ નોંધપાત્ર સમયગાળા માટે ઓર્ડરને પડકાર્યો ન હતો, અને પછી તેણે બીજી સ્ત્રી સાથે લગ્ન કરી લીધા.
આ કિસ્સામાં, બંને પક્ષો માટે બીજા લગ્ન હતા. તેઓ લાંબા સમયથી લિવ-ઇન રિલેશનશિપમાં હતા અને એપ્રિલ 2004માં પુરુષે તેની પહેલી પત્નીથી છૂટાછેડા લીધા બાદ જ લગ્ન કર્યા હતા. મહિલા યુકેની નાગરિક છે અને એક દાયકાથી વધુ સમયથી ભારતમાં રહેતી હતી કારણ કે તેના પૂર્વજો ભારતના હતા.
લગ્ન પછી તરત જ વૈવાહિક વિવાદ ઉભો થયો અને પતિએ વર્ષ 2006માં ડિવોર્સ માટે કોર્ટના દરવાજા ખખડાવ્યા હતા. જ્યારે આ દાવો પેન્ડિંગ હતો, ત્યારે તેણે 2012માં લગ્ન રદ કરવા માટે બીજો દાવો દાખલ કર્યો હતો કારણ કે તેની પત્નીના અગાઉના લગ્ન તેમના મેરેજ રજિસ્ટ્રશન સમયે અસ્તિત્વમાં હતા.
ઓગસ્ટ 2017માં વડોદરા કોર્ટે મહિલાના પુરાવા રજૂ કરવાના અધિકારો રદ કર્યા પછી એક પક્ષીય આદેશ પસાર કર્યો હતો. આ આદેશને મહિલાએ એડવોકેટ નીરદ બુચ મારફત હાઈકોર્ટ સમક્ષ પડકાર્યો હતો અને ફરિયાદ કરી હતી કે નીચલી અદાલતે તેના નિર્ણયમાં ભૂલ કરી છે.
ઉલ્લેખનીય છે કે, નીચલી અદાલતમાં મહિલાની હાજરી અંગે ચર્ચા થઈ હતી અને હાઈકોર્ટને કહેવામાં આવ્યું હતું કે તે ટૂંકા ગાળા માટે હાજર નહોતી. કારણ કે તે તબીબી સારવાર માટે ઈંગ્લેન્ડ ગઈ હતી, ત્યારબાદ તેને અદાલતની અવમાનના માટે જેલમાં મોકલવામાં આવી હતી. આ સમગ્ર મામલે ગુજરાત હાઈકોર્ટે મહિલાની દલીલ પણ માન્ય રાખી અને કહ્યું કે યુવાને તેની પત્નીને વચ્ચે લાવ્યા વગર પોતાનું સ્ટેન્ડ સ્પષ્ટ કરવું જોઈએ.
