Today Gujarati News (Desk)
અમેરિકાના ન્યુયોર્ક શહેરમાં એક ભયાનક માર્ગ અકસ્માત સર્જાયો છે. અહીં બે બસની ટક્કરમાં 80 લોકો ઘાયલ થયા છે, જેમાંથી 18 લોકો ગંભીર રીતે ઘાયલ થયા છે. મળતી માહિતી મુજબ, ડબલ ડેકર ટૂર બસે એક પેસેન્જર બસને પાછળથી ટક્કર મારી હતી, જેના કારણે ઘણા લોકોને ગંભીર ઈજાઓ પહોંચી હતી. ઘાયલોને નજીકની હોસ્પિટલમાં દાખલ કરવામાં આવ્યા છે.
ટક્કરથી બસના કાચ તૂટી ગયા હતા.
બસની ટક્કર એટલી ઝડપી હતી કે બસના કાચ તુટી ગયા હતા. પોલીસ અધિકારીઓના જણાવ્યા અનુસાર મેનહટનમાં થયેલા અકસ્માત બાદ ઘાયલોને બસમાંથી બહાર કાઢવામાં આવ્યા હતા. ડબલ ડેકર ટૂર બસની આગળની વિન્ડશિલ્ડ સંપૂર્ણપણે તૂટી ગઈ હતી.
ઘણા લોકોના હાડકાં તૂટેલા, માથામાં પણ ઈજા
ન્યૂયોર્ક ફાયર ડિપાર્ટમેન્ટના જણાવ્યા અનુસાર બંને બસો ખીચોખીચ ભરેલી હતી. વિભાગે જણાવ્યું કે બસમાંથી અન્ય 63 લોકોને મેડિકલ સ્ટાફ દ્વારા સુરક્ષિત રીતે બહાર કાઢવામાં આવ્યા છે. મોટાભાગની ઇજાઓ કટ, સ્ક્રેપ, આગથી હતી. વિભાગના અધિકારીઓએ જણાવ્યું હતું કે કેટલાક લોકોને માથા અને ગરદનના ભાગે ફ્રેક્ચર અને ઈજાઓ થઈ હોવાની આશંકા છે.
