Today Gujarati News (Desk)
ટીએમસીના વરિષ્ઠ નેતા મુકુલ રોય સોમવારે મોડી સાંજથી ગુમ હતા. તેમના પરિવારજનોએ દાવો કર્યો હતો કે તેઓ ગુમ થયા છે, પરંતુ મુકુલ રોયે પોતે જણાવ્યું હતું કે તેઓ તેમના અંગત કામ માટે દિલ્હી આવ્યા હતા.
પત્રકારો સાથે વાત કરતા તેમણે કહ્યું કે તેમની પાસે દિલ્હી પહોંચવાનો કોઈ ચોક્કસ એજન્ડા નથી. રોયે કહ્યું- “હું ઘણા વર્ષોથી સાંસદ છું. શું હું દિલ્હી ન આવી શકું? પહેલા હું નિયમિતપણે દિલ્હી આવતો હતો.”
જો કે રોય અત્યાર સુધી તેમની મુલાકાતના એજન્ડા પર ચૂપ રહ્યા છે, તેમ છતાં તેમની રાજકીય ચાલ વિશે પશ્ચિમ બંગાળના રાજકીય વર્તુળોમાં અટકળો વહેતી થઈ હતી. પૂર્વ રેલ મંત્રી મુકુલ રોયના પુત્ર સુભ્રગ્શુ રાયે તેના પિતાના ગુમ થવા અંગે પોલીસ ફરિયાદ નોંધાવી હતી. સુભ્રાગ્શુ રાયે કહ્યું- “સોમવાર સાંજથી પિતા સાથે કોઈ સંપર્ક થયો નથી અને ત્યારથી તે ગુમ છે.”
જણાવી દઈએ કે મુકુલ રોય 2017માં તૃણમૂલ કોંગ્રેસ સાથે મતભેદ બાદ ભાજપમાં જોડાયા હતા. 2020માં તેઓ ભાજપના રાષ્ટ્રીય ઉપાધ્યક્ષ પણ હતા. 2021ની વિધાનસભા ચૂંટણીમાં પણ તેઓ ભાજપ વતી જીત્યા હતા, પરંતુ પરિણામ આવ્યાના એક મહિના પછી તેઓ તૃણમૂલ કોંગ્રેસમાં પાછા ગયા હતા. જ્યારથી ટીએમસીમાં પરત ફર્યા છે ત્યારથી તેઓ લોકોની નજરથી દૂર રહ્યા છે. રોયે ગયા વર્ષે પશ્ચિમ બંગાળ વિધાનસભામાં નાદુરસ્ત તબિયતને કારણે પીએસીના અધ્યક્ષ પદનો પણ ત્યાગ કર્યો હતો.
