Today Gujarati News (Desk)
શાહરુખ ખાન અત્યારે ઘણી વખત ચર્ચામાં રહે છે. એક્ટર ગત દિવસોમાં પોતાની ફિલ્મ પઠાણની શાનદાર સફળતા માટે ચર્ચાઓમાં રહ્યા અને હવે પોતાની IPL ટીમ કોલકાત્તા નાઈટ રાઈડર્સ એટલે કે કેકેઆર ને લઈને ચર્ચાઓમાં છે. પૂર્વ દિગ્ગજ ક્રિકેટર સચિન તેંડુલકરના પુત્ર અર્જુને શાહરુખ ખાનની કેકેઆર સામે ડેબ્યૂ કર્યુ, જેની પર કિંગ ખાને પોતાની પ્રતિક્રિયા આપી સૌ નું દિલ જીતી લીધુ છે.
શાહરુખ ખાને સચિન તેંડુલકરના પુત્ર અર્જુન તેંડુલકરના આઈપીએલ ડેબ્યૂ પર ખુશી વ્યક્ત કરી છે. સાથે જ ટ્વીટ કરીને તેમને શુભકામનાઓ આપી છે. એક્ટરની દરિયાદિલી જોઈને ચાહકો ખુશ છે. શાહરુખે પોતાની ટ્વીટમાં લખ્યુ છે, ‘આ આઈપીએલ પ્રતિસ્પર્ધી હોઈ શકે છે… પરંતુ જ્યારે તમે એક મિત્રના પુત્ર અર્જુન તેંડુલકરને મેદાનમાં જુઓ છો તો આ ખૂબ ખુશીની વાત છે. અર્જુનને શુભકામનાઓ અને સચિન તેંડુલકર માટે શું ગર્વની પળ છે!! ખૂબ સરસ!’
ઉલ્લેખનીય છેકે અર્જુન તેંડુલકરે રવિવારે કોલકાતા નાઈટ રાઈડર્સ સામે પોતાની પહેલી ઓવરમાં પાંચ રન આપ્યા હતા. તેમના પિતા અને દિગ્ગજ ક્રિકેટર સચિન તેંડુલકરે વર્ષ 2009માં કેકેઆર સામે આઈપીએલમાં પોતાની પહેલી ઓવર રમી હતી અને તેમણે પણ પાંચ જ રન કર્યા હતા. અર્જુને પણ આઈપીએલ ટીમ મુંબઈ ઈન્ડિયન્સથી જ પોતાની ક્રિકેટ કરિયરની સારી શરૂઆત કરી છે, હવે અર્જુન પર સૌની નજર ટકેલી છે.
