Today Gujarati News (Desk)
બોલીવુડના એક્શન હીરો વિદ્યુત જામવાલની આગામી ફિલ્મ ‘IB 71’ 12 મે ના રોજ મોટા પરદા પર રિલીઝ થવા માટે તૈયાર છે. વિદ્યુતે ઈન્સ્ટાગ્રામ પર એક પોસ્ટર સાથે ફિલ્મની રિલીઝ ડેટનું પણ એલાન કર્યું છે.
47 સેકન્ડના આ વીડિયોમાં અનુપમ ખેર વિદ્યુત જામવાલ સાથે એક સિક્રેટ મિશન પ્લાન કરતા નજર આવી રહ્યા છે. અભિનેતાને પૂછવામાં આવ્યું કે, શું પાકિસ્તાન એટલું મૂર્ખ છે કે, તે આ મિશનને નિષ્ફળ ન કરી શક. જવાબમાં વિદ્યુત તેમને કહે છે કે તેમનું મિશન કોઈપણ સંજોગોમાં સફળ થશે.
ફિલ્મનું પોસ્ટર શેર કરતા વિદ્યુત જામવાલે તેના ઓફિશિયલ ઈન્સ્ટાગ્રામ એકાઉન્ટ પર લખ્યું – ટોપ સિક્રેટ હવે આઉટ થઈ ચૂક્યુ છે. તમારી સમક્ષ પ્રસ્તુત છે IB 71. ભારતનું એ સીક્રેટ મિશન જેના કારણે આપણે 1971નું વોર જીત્યુ હતું.
12 મે ના રોજ રિલીઝ થશે ફિલ્મ
‘IB 71’ ભારતીય ગુપ્તચર એજન્સીઓ અને પાકિસ્તાની એજન્સીઓ વચ્ચેના બે મોરચાના યુદ્ધની આસપાસ ફરે છે. આ ફિલ્મનું નિર્દેશન સંકલ્પ રેડ્ડી દ્વારા કરવામાં આવ્યું છે અને ટી-સિરીઝના બેનર હેઠળ નિર્મિત છે. આ ફિલ્મમાં અશ્વથ ભટ્ટ પણ નજર આવશે. જેણે હૈદર, રાઝી અને લમ્હાઃ ધ અનટોલ્ડ સ્ટોરી ઓફ કાશ્મીર જેવી ફિલ્મોમાં કામ કર્યું છે.
