હરિયાણાના પંચકુલામાં આસમાન રિવોલ્વિંગ રેસ્ટોરન્ટમાં આગ લાગતા અફરાતફરીનો માહોલ

Today Gujarati News (Desk)

રામનવમીના તહેવાર બાદ એક પછી એક આગ લાગવાના અહેવાલો સામે આવ્યા હતા. ત્યારે હવે કાનપુર અને દિલ્હી બાદ હરિયાણાના પંચકુલામાં આગ લાગવાની માહિતી મળી આવી છે. 

મળતી માહિતી પ્રમાણે પંચકુલામાં આસમાન રિવોલ્વિંગ રેસ્ટોરન્ટમાં આગ લાગવાની ઘટના સામે આવી છે. આ ઘટનાની જાણ થતાં જ ફાયર બ્રિગેડની ગાડીઓ ઘટના સ્થળ પર પહોંચી ગઇ છે. આ ઘટનામાં હજુ સુધી કોઇ જાનહાનિ કે નુકશાન થયુ છે તેની માહિતી મળી શકી નથી.

મહત્વનું છે કે, રામનવમીના દિવસે આંધ્રપ્રદેશના વેણુગોપાલ મંદિરમાં શોર્ટ સર્કિટના કારણે પંડાલમાં આગ લાગી હતી. તેમજ ઈન્દોરમાં બેલેશ્વર મહાદેવ મંદિરમાં રામજન્મની ઉજવણી દરમિયાન વાવની છત તૂટી પડતાં ઘણા લોકો વાવમાં પડી ગયા હતા. આ દુર્ઘટનામાં અત્યાર સુધીમાં 35 લોકોનાં કમકમાટીભર્યા મોત થયા હોવાનું સામે આવ્યું છે.