સુરતના પંડોળમાં ત્રણ શ્રમજીવી ઉપર ચપ્પુ વડે હુમલો : બે ના મોત

Today Gujarati News (Desk)

સુરતના ચોકબજાર પોલીસ મથકના પંડોળમાં આજે મળસ્કે અઠવાડીયા અગાઉ થયેલા ઝઘડાની અદાવતમાં ફરી થયેલા ઝઘડામાં ત્રણ શ્રમજીવી ઉપર ચપ્પુ વડે હુમલો કરતા બે ના મોત નીપજ્યા હતા. ચોકબજાર પોલીસે હુમલો કરનાર ચારની અટકાયત કરી હોવાનું જાણવા મળ્યું છે.પોલીસ સૂત્રો દ્વારા પ્રાપ્ત થતી વિગતો મુજબ સુરતના ચોકબજાર વિસ્તારમાં આવેલા પંડોળ ખાતે પરપ્રાંતીય શ્રમજીવીઓ રહે છે. તેમની વચ્ચે અઠવાડીયા અગાઉ ઝઘડો થયો હતો. તે ઝઘડાની અદાવતમાં આજે મળસ્કે ચાર શ્રમજીવીએ અન્ય ત્રણ શ્રમજીવી ઉપર ચપ્પુ વડે હુમલો કરતા તે પૈકી બે ના મોત નીપજ્યા હતા. જયારે ત્રીજાને સારવાર માટે હોસ્પિટલમાં ખસેડાયો હતો. ડબલ મર્ડરની જાણ થતા દોડી ગયેલી ચોકબજાર પોલીસે હુમલો કરનાર ચારની અટકાયત કરી હોવાનું જાણવા મળ્યું છે.