Today Gujarati News (Desk)
ડાયરેક્ટર અયાન મુખર્જીની ફિલ્મ બ્રહ્માસ્ત્ર પાર્ટ 1 બાદ હવે ટૂંક સમયમાં જ તમને બ્રહ્માસ્ત્ર પાર્ટ 2 થિયેટરમાં જોવા મળશે. બ્રહ્માસ્ત્રના પાર્ટ 1 માં રણબીર કપૂરે શિવાનો લીડ રોલ નિભાવ્યો હતો. જેની પાસે અગ્નિની શક્તિ હોય છે. રણબીરે ફિલ્મ માટે 25-30 કરોડ રૂપિયા ફી લીધી હતી. આ વખતે રણબીર કપૂરે પોતાની ફી વધારી દીધી છે. આ વખતે રણબીર કપૂર આ ફિલ્મના પાર્ટ 2 માટે 40 કરોડ રૂપિયા ચાર્જ કરી રહ્યા છે. આલિયા ભટ્ટે પહેલા પાર્ટમાં ઈશાનો રોલ નિભાવ્યો હતો જે શિવાની સ્પાર્ક એટલે કે લાઈટ છે તેમનુ જીવન, તેમની ગર્લફ્રેન્ડ છે. આ સાથે જ રણબીર કપૂર અને આલિયા ભટ્ટ પહેલીવાર અયાન મુખર્જીની ફિલ્મ બ્રહ્માસ્ત્રમાં સ્ક્રીન સ્પેસ શેર કરતા જોવા મળ્યા હતા. આ ફિલ્મનું બજેટ 300 કરોડ રૂપિયા હતુ. આ વર્ષે 2022ની સૌથી એક્સપેન્સિવ ફિલ્મોમાંની એક હતી. આ સાથે જ ફિલ્મમાં અમિતાભ બચ્ચને ગુરૂ અરવિંદનો રોલ નિભાવ્યો હતો. અમિતાભે ફિલ્મમાં બ્રહ્માનું પાત્ર નિભાવ્યુ હતુ. આ પાત્ર માટે તેમણે 8-10 કરોડ રૂપિયા ચાર્જ કર્યા હતા. જેમાં મૌની રોયે જુનૂન નામના વિલનની ભૂમિકા નિભાવી હતી. આ રોલ માટે મૌનીએ 3 કરોડ રૂપિયા ફી લીધી હતી. આ સાથે જ અક્કિનેની નાગાર્જુને ફિલ્મમાં આર્કિયોલોજિસ્ટની ભૂમિકા નિભાવી હતી જે એક નંદીના રોલમાં હતા. તેમણે આ ફિલ્મ માટે કુલ 9-11 કરોડ રૂપિયા ચાર્જ કર્યા હતા પરંતુ હવે જે સૌથી ચોંકાવનારી વાત સામે આવી છે ફિલ્મ બ્રહ્માસ્ત્ર પાર્ટ 2 દેવમાં હવે રણબીર કપૂરની એક્સ ગર્લફ્રેન્ડ તેમની માતાનો રોલ નિભાવશે. બ્રહ્માસ્ત્ર પાર્ટ 1 શિવામાં જેટલા પાત્ર હતા તે તમામ તમને ફિલ્મનો બીજો પાર્ટ એટલે કે ‘બ્રહ્માસ્ત્ર પાર્ટ 2 દેવ’માં જોવા મળશે. જેમાં માત્ર પહેલા પાર્ટમાં નંદીનો રોલ નિભાવી ચૂકેલા નાગાર્જુન નહીં હોય કેમ કે તેઓ પહેલા પાર્ટના શિવાનો જીવ બચાવતા મૃત્યુ પામી જાય છે. આ વખતે આ ફિલ્મમાં બે નવા સ્ટારકાસ્ટ જોવા મળશે.
