Today Gujarati News (Desk)
રોયલ ચેલેન્જર્સ બેંગ્લોરના ભૂતપૂર્વ કેપ્ટન વિરાટ કોહલી 18 નંબરની જર્સી પહેરીને IPLમાં રમે છે. સ્મૃતિ મંધાના હવે મહિલા IPLમાં RCB ટીમની 18 નંબરની જર્સીમાં જોવા મળશે.
26 વર્ષની લેફટી બેટર સ્મૃતિ મંધાના હાલમાં T20 વર્લ્ડ કપમાં ભાગ લઈ રહી છે. મંધાના દક્ષિણ આફ્રિકામાં ઈજાના કારણે પાકિસ્તાન સામેની T20 વર્લ્ડ કપની મેચમાં રમી શકી ન હતી. જોકે હરાજી દરમિયાન તેની નજર ટીવી સેટ પર સ્થિર હતી એટ્લે તે પોતે એક્સાઈટેડ હોવાનું દેખાઈ આવતું હતું.
સ્મૃતિ મંધાના પર મોટી બોલી લાગ્યા બાદ સાથી ખેલાડીઓએ તેને ગળે લગાવીને અભિનંદન પાઠવ્યા હતા. આ પ્રસંગે મંધાના ખૂબ જ ખુશ દેખાઈ રહી હતી. મંધાના પાસે આંતરરાષ્ટ્રીય ક્રિકેટનો ઘણો અનુભવ છે. તે ભારતીય મહિલા ટીમની કરોડરજ્જુ માનવમાં આવે છે.
સ્મૃતિ મંધાનાને રોયલ ચેલેન્જર્સ બેંગ્લોર (RCB)ની કેપ્ટન પણ બનાવવામાં આવી શકે છે. કારણ કે તેની પાસે બેટિંગ કરવાની સાથે સાથે ટીમનું નેતૃત્વ કરવાની ક્ષમતા પણ છે.
સ્મૃતિ મંધાનાની 11 વર્ષની ઉંમરે અંડર-19 ક્રિકેટમાં પસંદગી થઈ હતી. ભારતીય મહિલા વર્લ્ડ કપમાં સૌથી મોટી ભાગીદારીનો રેકોર્ડ મંધાનાના નામે છે. મંધાના અને હરમનપ્રીત કૌરે વર્ષ 2022માં અણનમ 184 રનની ભાગીદારી કરી હતી.
સ્મૃતિ મંધાનાએ ભારત માટે 112 T20 આંતરરાષ્ટ્રીય મેચ રમી છે. આ દરમિયાન તેણે 2651 રન બનાવ્યા છે. મંધાનાએ અત્યાર સુધી ટી20માં 20 અડધી સદી ફટકારી છે.