Today Gujarati News (Desk)
ફેબ્રુઆરીનો મહિનો પ્રેમનો મહિનો પણ કહેવાય છે. આ મહિનો દુનિયાભરના કપલ્સની વચ્ચે ખૂબ જ લોકપ્રિય છે. વેલેન્ટાઈન એટલે કે પ્રેમનો દિવસ 14 ફેબ્રુઆરીએ મનાવામાં આવે છે, પણ એક અઠવાડીયા પહેલા જ પ્રેમને મજબૂત બનાવવા માટે આખા અઠવાડીયાને સેલિબ્રેટ કરવામાં આવે છે.
પોતાની પ્રેમિકાને ગુલાબનુ ફુલ આપીને આઈ લવ યૂ કહેવું ખૂબ જ સરળ છે, પણ શું આપે ક્યારેય સાંભળ્યું છે કે, કોઈ પ્રેમીએ પોતાની પ્રેમિકા માટે ગુલાબનો આખો બગીચો બનાવી દીધો હોય, જી હાં ગાજિયાબાદમાં એક પ્રેમીએ પોતાની પ્રેમિકા શ્રિયા માટે એક આવો જ ગુલાબનો બગીચો તૈયાર કર્યો છે.
જે ફાર્મમાં આ ગુલાબનો બગીચો બનાવ્યો છે, તેને પર્યાવરણવિદ પ્રદીપ ઢાલિયા ચલાવે છે. તેમણે ન્યૂઝ 18 સાથે વાત કરતા જણાવ્યું કે, એક વાર તેમની પાસે એક યુવક આવ્યો, જેણે પોતાની પ્રેમિકાના નામ પર પર્યાવરણ માટે મેસેજ આપવાની વાત કરી. પ્રદીપને આ સૂચન પસંદ આવ્યુ, પછી તો શું બંનેએ મળીને ગુલાબનો બગીચો તૈયાર કર્યો, જેમાં કુલ 8 મહિનાનો સમય લાગ્યો.
પ્રદીપે પોતાના ફાર્મમાંથી લોકોને મફતમાં છોડ આપે છે. તેથી તેમના ફાર્મમાં જે પણ આવે છે, તે આ ગુલાબના બગીચાને જોવાનું ચુકતા નથી. આ બગીચામાં લાગેલા સુંદર ગુલાબ પોતાની તરફ આકર્ષિત કરે છે. જો કે, પ્રદીપને પ્રેમીએ તેની ઓળખાણ ગુપ્ત રાખવાની વાત કરી છે.
પણ તેમ છતાં કોઈને પ્રેમ કરવાની આ એક અલગ રીત છે. પ્રદીપ જણાવે છે કે, પ્રેમી ઈચ્છતો હતો કે, જ્યારે પણ લોકો આ બગીચામાં આવે અને જોવે અને ગુલાબ તોડે તો તેમના પ્રેમનો ઉલ્લેખ થાય .આવી રીતે તે પોતાના પ્રેમને અમર કરવા માગતો હતો.
ફાર્મમાં મળે છે અનેક છોડ
પર્યાવરણવિદના ફાર્મમાં કેટલાય પ્રકારના છોડ મળે છએ. જે આપના ઘરમાં ભાગ્યથી લઈને સ્વાસ્થ્ય માટે ફાયદાકારક સાબિત થઈ શકે છે.જો આપ પણ કોઈ છોડ લેવા માગો છો તો, 9350263655 (પ્રદીપ)નો કોન્ટેક્ટ કરી શકશો.
