બજેટ પહેલા શેરબજારમાં મોટો ઉછાળો, સેન્સેક્સ અને નિફ્ટીની મજબૂત શરૂઆત – Share Market Hike

Today Gujarati News (Desk)

બજેટ રજૂ થવામાં હવે થોડો સમય જ બાકી છે. નાણામંત્રી નિર્મલા સીતારમણ સવારે 11 વાગ્યે સંસદમાં બજેટની રજૂઆત શરૂ કરશે. મોદી સરકારના બીજા કાર્યકાળનું અંતિમ બજેટ છે. ચૂંટણી પહેલા બજેટ પહેલા ભારતીય શેરબજારમાં ભારે ઉછાળો જોવા મળી રહ્યો છે. સેન્સેક્સ અને નિફ્ટીએ મજબૂત શરૂઆત કરી છે. ડોલર સામે રૂપિયો નજીવા ઘટાડા સાથે રૂ.81.77 પર ખુલ્યો હતો. રૂપિયામાં 0.18 ટકાનો ઘટાડો થયો છે.

ગયા વર્ષે પણ બજેટના દિવસે  શેરબજારમાં જોરદાર ઉછાળો જોવા મળ્યો હતો. એક વર્ષ પછી આજે, 1 ફેબ્રુઆરી, 2023 ના રોજ, બજેટના દિવસે, શેરબજારના બંને સૂચકાંકો જોરદાર તેજી સાથે ખુલ્યા હતો.  BSE ઈન્ડેક્સ સેન્સેક્સ 417.89 પોઈન્ટના વધારા સાથે 59,967.79ના સ્તર પર ખુલ્યા છે. બીજી બાજુ, NSE નિફ્ટી ઇન્ડેક્સ 131.95 વધીને 17,776.70 ના સ્તર પર ટ્રેડિંગ શરૂ થયું છે.