સુહાના ખાને તેના પિતા શાહરુખ ખાનની ફિલ્મ ‘પઠાણ’ની સફળતા અંગે ઈમોશનલ પોસ્ટ શેર કરી

Today Gujarati News (Desk)

સુપર સ્ટાર શાહરુખ ખાનની પઠાણે ઓપનિંગ ડે પર બોલીવુડ ઈન્ડસ્ટ્રીના ઈતિહાસમાં સૌથી મોટો રેકોર્ડ નોંધાવ્યો છે. આ મૂવીએ બોક્સ ઓફિસ પર કમાણીના મામલે સુનામી લાવી દીધી છે. દરમિયાન શાહરુખ ખાનની પુત્રી સુહાના ખાને પઠાણ ફિલ્મની સફળતા અંગે એક ઈમોશનલ પોસ્ટ શેર કરી છે.

સુહાના ખાને ઈન્સ્ટા સ્ટોરી પર પૂજા દદલાણીના ઈન્સ્ટાગ્રામ પોસ્ટને બીજીવાર શેર કરી છે. જેમાં પઠાણના કલેક્શનની જાણકારી છે. ફિલ્મના પોસ્ટરની સાથે લખ્યુ છે. હિન્દી સિનેમાના ઈતિહાસમાં સૌથી મોટી ઓપનિંગ, પઠાણ ફિલ્મના પહેલા દિવસે વર્લ્ડવાઈડ ગ્રોસ કલેક્શન 106 કરોડ રૂપિયા. 

સુહાના ખાને આ પોસ્ટને શેર કરતા કેપ્શનમાં આંખોમાં આંસુવાળી ઈમોજી શેર કરી છે. આ રીતે સુહાનાએ હિંટ આપી કે તે પિતા શાહરુખની આ સફળતાથી ખૂબ ઈમોશનલ થઈ ગઈ છે.