અથિયા શેટ્ટી-કેએલ રાહુલના લગ્નની તડામાર તૈયારીઓ

Today Gujarati News (Desk)

બી-ટાઉનની ગલીઓમાં ફરી એકવાર શરણાઇઓ ગૂંજવા તૈયાર છે. બોલિવૂડ એક્ટ્રેસ આથિયા શેટ્ટી (Athiya Shetty) અને ભારતીય ક્રિકેટર કેએલ રાહુલના (KL Rahul) લગ્નના સમાચાર આ દિવસોમાં ખૂબ ચર્ચામાં છે. આ કપલ બહુ જલ્દી લગ્નના બંધનમાં બંધાવા જઈ રહ્યું છે. તેમના લગ્નની તૈયારીઓ પણ પૂરજોશમાં કરવામાં આવી છે.

એવું કહેવામાં આવી રહ્યું છે કે આથિયા અને કેએલ રાહુલ સુનીલ શેટ્ટીના (Sunil Shetty) ખંડાલા સ્થિત ફાર્મહાઉસ પર સાત ફેરા લેવાના છે. હવે આને લગતો એક વીડિયો પણ સોશિયલ મીડિયા પર ઝડપથી વાયરલ થઈ રહ્યો છે. 

વાયરલ થઈ રહેલા આ વીડિયોમાં આથિયા અને કેએલ રાહુલનો ભવ્ય મંડપ સજાવવામાં આવી રહ્યો છે. તમને જણાવી દઈએ કે સુનીલ શેટ્ટીનું આ ફાર્મહાઉસ ખૂબ જ લેવિશ છે. એક્ટર ઘણીવાર તેની યુટ્યુબ ચેનલ પર આને લગતા વીડિયો અપલોડ કરે છે. હવે આ લેવિશ ફાર્મહાઉસમાં સાત ફેરા લઇને આથિયા અને કેએલ રાહુલ કાયમ માટે એકબીજાના બની જવાના છે.