યુએસ સરકારે ભારતને સ્ટ્રાઈકર આર્મર્ડ ફાઈટિંગ વ્હીકલનું અપડેટેડ વર્ઝન ઓફર કર્યું છે. તમને જણાવી દઈએ કે સ્ટ્રાઈકર આર્મર્ડ ફાઈટિંગ વ્હીકલનું એર ડિફેન્સ સિસ્ટમ વર્ઝન ઓફર કરવામાં આવ્યું છે. માહિતી આપતા સંરક્ષણ અધિકારીઓએ જણાવ્યું કે, ‘યુએસ સરકારે ભારતીય સેનાને એર ડિફેન્સ સિસ્ટમથી સજ્જ સ્ટ્રાઈકર આર્મર્ડ ફાઈટિંગ વ્હિકલ ઓફર કર્યા છે. તેમણે ભારતીય સંસ્થાઓ સાથે મળીને વાહનોનું ઉત્પાદન કરવાની ઈચ્છા પણ વ્યક્ત કરી હતી.
ભારત સાથે 2+2 વાટાઘાટો દરમિયાન, યુ.એસ.એ સ્ટ્રાઇકર આર્મર્ડ ફાઇટિંગ વ્હીકલના સહ-ઉત્પાદન પર ભાર મૂક્યો હતો અને યુએસ સંરક્ષણ સચિવ લોયડ જે ઓસ્ટિન દ્વારા પણ આની જાહેરાત કરવામાં આવી હતી.
આ પહેલીવાર નથી જ્યારે અમેરિકાએ ભારતને સ્ટ્રાઈકર સિસ્ટમ વેચવાની ઓફર કરી હોય. અગાઉ ભારતીય સંગઠનો સાથે યોજાયેલી કેટલીક બેઠકોમાં પણ આવી ઓફર કરવામાં આવી હતી.
જો સૂત્રોનું માનીએ તો, ભારત સ્ટ્રાઈકર વાહનો માટેના અમેરિકન પ્રસ્તાવ પર વિચાર કરી રહ્યું છે, જો કે હજુ સુધી કોઈ અંતિમ નિર્ણય લેવામાં આવ્યો નથી. નોંધનીય છે કે દુશ્મનના વિમાનો પર હુમલો કરવા માટે તેને ઊંચા વિસ્તારોમાં તૈનાત કરી શકાય છે. તમને જણાવી દઈએ કે DRDO એ ભારતીય સંરક્ષણ ઉદ્યોગના ખાનગી સહયોગથી બખ્તરબંધ લડાયક વાહનોના વિકાસના ક્ષેત્રમાં પ્રગતિ કરી છે. જેમાંથી કેટલાક બખ્તરબંધ વાહનો લદ્દાખ સેક્ટર વિસ્તારમાં તૈનાત કરવામાં આવ્યા છે.
