Today Gujarati News (Desk)
પંજાબના ભટિંડામાં સ્થિત દેશનું એક મહત્વપૂર્ણ સૈન્ય મથક બુધવારે (12 એપ્રિલ) સવારે 4.35 કલાકે ગોળીબારના અવાજથી ગૂંજી ઉઠ્યું હતું. આ ગોળીબાર મિલિટરી સ્ટેશનના 80 મીડિયમ રેજિમેન્ટ આર્ટિલરી ઓફિસર્સ મેસમાં થયો હતો. સાઉથ વેસ્ટર્ન કમાન્ડ હેડક્વાર્ટરએ આ ઘટનામાં 4 જવાનોના મોતની પુષ્ટિ કરી છે. જો કે આતંકવાદી ઘટનાનો ઈન્કાર કરવામાં આવ્યો છે. ભટિંડાના એસએસપીએ કહ્યું કે આ કોઈ આતંકવાદી ઘટના નથી. ભટિંડા મિલિટરી સ્ટેશન બંધ કરી દેવામાં આવ્યું છે. સર્ચ ઓપરેશન ચાલુ છે.
પંજાબ પોલીસના સૂત્રોએ ANI ન્યૂઝ એજન્સીને જણાવ્યું કે ભટિંડા મિલિટ્રી સ્ટેશન પર ફાયરિંગ પાછળ સેનાના કેટલાક જવાનોનો હાથ હોઈ શકે છે. તે કહે છે કે 28 કારતુસ સાથેની એક ઇન્સાસ રાઇફલ લગભગ બે દિવસ પહેલા ગુમ થઈ હતી.
રક્ષા મંત્રી બેઠક કરશે
પ્રોટોકોલ મુજબ રક્ષા મંત્રીને આ ઘટનાની જાણકારી આપવામાં આવી છે. રાષ્ટ્રીય સુરક્ષા સલાહકાર (NSA) અજીત ડોભાલને પણ જણાવવામાં આવ્યું છે. ટુંક સમયમાં આર્મી ચીફ રક્ષા મંત્રી રાજનાથ સિંહને મળશે અને ભટિંડા મુદ્દે સંપૂર્ણ માહિતી આપશે.
SSPએ કહ્યું- આતંકવાદી ઘટના નથી
ભટિંડાના SSP ગુલનીત ખુરુનાએ કહ્યું કે સેના દ્વારા શેર કરવામાં આવેલી માહિતી અનુસાર, કોઈ આતંકી ખતરાની આશંકા નથી. તેમણે કહ્યું કે સૈન્ય મથકના અધિકારીઓએ હજુ સુધી પીડિતોની ઓળખની પુષ્ટિ કરી નથી.
સેનાએ નિવેદન બહાર પાડ્યું છે
ભારતીય સેનાએ એક નિવેદનમાં જણાવ્યું હતું કે “ભટિંડા મિલિટરી સ્ટેશન પર ગોળીબારની ઘટના દરમિયાન આર્ટિલરી યુનિટના ચાર જવાન ગોળી વાગવાથી મૃત્યુ પામ્યા હતા. અન્ય કોઈ જવાનને કોઈ ઈજા કે જાનમાલનું નુકસાન થયું નથી. વિસ્તારને સીલ કરી દેવામાં આવ્યો છે.” કરવામાં આવી છે અને પંજાબ પોલીસ સાથે સંયુક્ત તપાસ હાથ ધરવામાં આવી રહી છે. બે દિવસ પહેલા ગુમ થયેલી 28 રાઉન્ડ સાથેની ઇન્સાસ રાઇફલની સંભવિત સંડોવણી સહિતના તમામ પાસાઓની તપાસ કરવામાં આવી રહી છે.”
