ગુજરાતના એકમાત્ર કોંગ્રેસના સાંસદ ગેનીબેન ઠાકોરે ગાયને રાષ્ટ્રમાતા જાહેર કરવાની માંગ ઉઠાવી છે. તેમણે સોમવારે લોકસભામાં શંકરાચાર્ય અવિમુક્તેશ્વરાનંદ સરસ્વતીનો ઉલ્લેખ કરતા આ માંગણી કરી હતી. ગાયના દૂધ અને છાણનું મહત્વ જણાવતા સાંસદે કહ્યું કે તેમની સામે થતા અત્યાચારો બંધ થવો જોઈએ. કોંગ્રેસ સાંસદે લોકસભામાં આપેલું ભાષણ હવે વાયરલ થઈ રહ્યું છે.
દેશના સાધુ, સંતો, મહંતો અને શંકરાચાર્ય અવિમુક્તેશ્વરાનંદ સરસ્વતી મહારાજે પદયાત્રા કરી ગાયને રાષ્ટ્રમાતા જાહેર કરવાની માંગ કરી હતી. તેમની માંગ છે કે માતા ગાયને રાષ્ટ્ર માતાનો દરજ્જો આપવો જોઈએ અને ગાયોની હત્યા પર પ્રતિબંધ મૂકવો જોઈએ. તેમણે વધુમાં કહ્યું કે, ‘ગાયનું દૂધ ખૂબ જ ફાયદાકારક છે. કુદરતી ખેતીમાં ગાયના છાણની જરૂર પડે છે. પશુઓની ખરીદી અને વીમા પર જીએસટી લાદવામાં આવ્યો છે, તેને દૂર કરવો જોઈએ.
