IPL 2024: IPL 2024 શુક્રવારથી શરૂ થઈ રહ્યું છે. આ દરમિયાન ચેન્નાઈ સુપર કિંગ્સે એક ચોંકાવનારો નિર્ણય લઈને ચાહકોને મોટો આંચકો આપ્યો છે. વાસ્તવમાં, દરેક સીઝનની જેમ, IPLની શરૂઆત પહેલા, તમામ ટીમોના કેપ્ટન ટ્રોફી સાથે ફોટોશૂટ કરાવે છે. આ સિઝનમાં પણ એવું જ થયું હતું, જ્યાં તમામ 10 ટીમોના કેપ્ટનોને ફોટોશૂટ માટે બોલાવવામાં આવ્યા હતા.
આ દરમિયાન ચેન્નાઈ સુપર કિંગ્સનો કેપ્ટન એમએસ ધોની આ તસવીરમાં જોવા મળ્યો ન હતો. તેના સ્થાને ટીમના યુવા ઓપનિંગ બેટ્સમેન રૂતુરાજ ગાયકવાડને મોકલવામાં આવ્યો હતો. CSK તરફથી હવે સ્પષ્ટ કરવામાં આવ્યું છે કે ગાયકવાડ આ સિઝનમાં ટીમની કપ્તાની કરશે.
