Dalai Lama Birthday: પીએમ મોદીએ દલાઈ લામાને તેમના 88માં જન્મદિવસ પર પાઠવી શુભેચ્છા

Today Gujarati News (Desk)

તિબેટના ધાર્મિક નેતા દલાઈ લામા આજે તેમનો 88મો જન્મદિવસ ઉજવી રહ્યા છે. આ ખાસ અવસર પર વડાપ્રધાન નરેન્દ્ર મોદીએ દલાઈ લામાને ફોન કરીને તેમના જન્મદિવસની શુભેચ્છા પાઠવી હતી. પીએમ મોદીએ ટ્વિટ કરીને આ અંગેની માહિતી આપી હતી.

વડાપ્રધાન નરેન્દ્ર મોદીએ પોતાના ટ્વિટમાં લખ્યું છે કે તેમના 88માં જન્મદિવસના અવસર પર તેમણે ધર્મગુરુ દલાઈ લામા સાથે ફોન પર વાત કરી. અમે તેમને લાંબા અને સ્વસ્થ જીવનની શુભેચ્છા પાઠવીએ છીએ.

દિલ્હીના મુખ્યમંત્રી અરવિંદ કેજરીવાલે પણ દલાઈ લામાને જન્મદિવસની શુભેચ્છા પાઠવી હતી. કેજરીવાલે એક ટ્વીટમાં લખ્યું છે કે પરમ પવિત્ર દલાઈ લામાને તેમના 88માં જન્મદિવસ નિમિત્તે મારી હાર્દિક શુભેચ્છાઓ. હું આશા રાખું છું કે તે આવનારા અસંખ્ય વર્ષો સુધી દયા અને સહાનુભૂતિ ફેલાવવાનું ચાલુ રાખશે.