Astrology News: ઘણી વખત કામ કરતી વખતે કેટલીક વસ્તુઓ આપણા હાથમાંથી જાણી-અજાણ્યે નીચે પડી જાય છે. જો આ વસ્તુઓ સફેદ રંગની હોય તો તેનું પડવું વાસ્તુશાસ્ત્રમાં અશુભ માનવામાં આવે છે.
વાસ્તુશાસ્ત્રમાં આવા ઘણા નિયમો જણાવવામાં આવ્યા છે, જેનો સીધો સંબંધ આપણા દૈનિક જીવન સાથે માનવામાં આવે છે. વાસ્તુશાસ્ત્ર એ વસ્તુઓ વિશે પણ વિગતવાર જણાવે છે, જેના હાથમાંથી પડવાથી શુભ કે અશુભ સંકેત મળે છે. આજે આપણે તે 5 સફેદ વસ્તુઓ વિશે જાણીશું, જેનું હાથમાંથી પડવું ખૂબ જ અશુભ હોઈ શકે છે. તેઓ ગ્રહો સાથે સંબંધિત છે.
વાસ્તુશાસ્ત્ર અનુસાર જો તમારા હાથમાંથી ખાંડ પડી જાય તો તેને અશુભ સંકેત માનવામાં આવે છે. એવું માનવામાં આવે છે કે, જો તમારા હાથમાંથી ખાંડ પડી જાય છે, તો તમને ખરાબ સમાચાર મળી શકે છે.
વાસ્તુશાસ્ત્ર અનુસાર, જો કોઈ વ્યક્તિના હાથમાંથી દૂધ ભરેલો ગ્લાસ પડી જાય તો તેને ખૂબ જ અશુભ માનવામાં આવે છે. આ બાળકોના જીવનમાં મુશ્કેલીનો સંકેત છે. જ્યારે ગેસ પરથી દૂધ ઢોળાય જાય તો તે ખૂબ જ શુભ માનવામાં આવે છે.
જો કોઈ વ્યક્તિના હાથમાંથી નારિયેળ પડી જાય તો તે પણ અશુભ સંકેત છે. હાથમાંથી નાળિયેર પડવું એ નોકરી અને કારકિર્દીમાં સમસ્યાઓ સૂચવે છે.
ધાર્મિક ગ્રંથોમાં ચોખાને સૌથી પવિત્ર ખોરાક માનવામાં આવે છે. જો રાંધતી વખતે અથવા બોક્સમાંથી બહાર કાઢતી વખતે તમારા હાથમાંથી ચોખા પડી જાય તો એવું માનવામાં આવે છે કે તમને કોઈ દુઃખદ સમાચાર મળી શકે છે.
વાસ્તુશાસ્ત્ર અનુસાર જો તમારા હાથમાંથી મીઠું પડી જાય છે તો એવું માનવામાં આવે છે કે, તમારે આર્થિક સંકટનો સામનો કરવો પડી શકે છે. તમારા જીવનમાં ગરીબી આવી શકે છે. આમ, ખાંડ, દૂધ અને ચોખાનો સંબંધ ચંદ્ર અને શુક્ર સાથે છે. શુક્ર ભૌતિક સુખ-સુવિધાઓ આપનાર છે, જ્યારે ચંદ્ર મનનો કારક છે.
