Today Gujarati News (Desk)
Gold Price Today : હોળીના અવસર પર સોનામાં જબરદસ્ત ઘટાડો જોવા મળ્યો છે. જો તમારે માર્ચ-એપ્રિલની લગ્નની સીઝન પહેલા સોનું ખરીદવું હોય તો તમારા માટે આ એક સારી તક હોઈ શકે છે. ફ્યુચર્સ માર્કેટમાં સોનું 55,000થી નીચે આવી ગયું છે. તે જ સમયે, તે દિલ્હી બુલિયન માર્કેટમાં 55,000 ની નજીક ચાલી રહ્યું છે. ચાંદીમાં મોટો ઘટાડો નોંધાયો છે. સ્પોટ સિલ્વરના ભાવમાં રૂ.2,000થી વધુનો ઘટાડો થયો છે. આજે ગુજરાતમાં સોનુ 56800 ની રેન્જમાં ટ્રેડ થઇ રહ્યું છે. ફરી એકવાર સસ્તું સોનુ ખરીદવાની તક આપવામાં આવી રહી છે. આ તક 6 માર્ચથી પાંચ દિવસ માટે એટલેકે 10 માર્ચ 2023 સુધી આપવામાં આવશે.
વાયદા બજારમાં સોના અને ચાંદીના ભાવ શું છે?
વાયદા બજારમાં આજે પણ સોનું ઘટાડા સાથે ખુલ્યું હતું. 9 માર્ચ 2023ના રોજ MCX સોનું ગુરુવારે સવારે ખૂલતાં રૂ. 79 અથવા 0.14% ઘટીને રૂ. 54,832 પર ખુલ્યું હતું. તેનો અગાઉનો બંધ રૂ. 54,911 હતો. સોનું જે આ વર્ષે રૂ. 58,800ની ઊંચી સપાટીએ જોવા મળ્યું હતું તે એક જ મહિનામાં રૂ.55,000ની નીચે આવી ગયું છે. તેના રેકોર્ડ ઉચ્ચ સ્તરેથી મેટલ અત્યાર સુધીમાં 4,000 રૂપિયા સસ્તી થઈ છે. આ સમયગાળા દરમિયાન ચાંદીમાં પણ ઘટાડો જોવા મળ્યો હતો. ચાંદીના વાયદાના ભાવ રૂ. 204 અથવા 0.33% ઘટ્યા હતા અને મેટલ 61,613ના સ્તરે ખુલ્યું હતું. બુધવારે તે 61,817ના સ્તરે બંધ રહ્યો હતો.
