Good bad Ugly Film: સાઉથના સુપરસ્ટાર અજીત કુમાર તેની આગામી ફિલ્મ ‘ગુડ બેડ અગ્લી’ને લઈને ચર્ચામાં છે. આ ફિલ્મ સાથે જોડાયેલી એક મોટી અપડેટ સામે આવી રહી છે. ફિલ્મના મેકર્સ તેના ફર્સ્ટ શેડ્યુલના શૂટિંગની તૈયારીમાં વ્યસ્ત છે.
હૈદરાબાદમાં શૂટિંગની તૈયારીઓ ચાલી રહી છે
મીડિયા રિપોર્ટ્સ અનુસાર, આ ફિલ્મના મેકર્સ પહેલા શેડ્યૂલનું શૂટિંગ રામોજી ફિલ્મ સ્ટુડિયોમાં કરવાનું વિચારી રહ્યા છે. કહેવામાં આવી રહ્યું છે કે ફિલ્મ ‘ગુડ બેડ અગ્લી’નો પહેલો પ્રોમો પણ આ જગ્યાએ શૂટ થઈ શકે છે. હાલમાં, ફિલ્મ સાથે સંકળાયેલા કોઈએ શૂટિંગને લઈને કોઈ સત્તાવાર પુષ્ટિ આપી નથી.
અજીત કુમાર ત્રણ રોલમાં જોવા મળી શકે છે, આ પહેલા પણ કરી ચુક્યા છે
અજીત કુમારની આ ફિલ્મ એક્શન થ્રિલર હશે. આમાં સાવ અલગ પ્રકારનું પાત્ર જોવા મળશે. જેના કારણે તેના ચાહકોનો ઉત્સાહ ચરમસીમાએ પહોંચી ગયો છે. એવી પણ ચર્ચા થઈ રહી છે કે અજીત ફિલ્મ ‘ગુડ બેડ અગ્લી’માં ત્રણ-ત્રણ પાત્ર ભજવવાનો છે. આ પહેલા પણ અજિતે એક ફિલ્મમાં આવું શાનદાર કામ કર્યું હતું. તેણે 2006માં આવેલી ફિલ્મ ‘વરલારુ’માં પણ ત્રણ પાત્રો ભજવ્યા હતા. આ ફિલ્મનું નિર્દેશન કેએસ રવિકુમારે કર્યું હતું. તે એક હિટ ફિલ્મ હતી. આ ફિલ્મ માટે તેને તમિલનાડુ સ્ટેટ એવોર્ડ મળ્યો હતો.
2025માં રિલીઝ થશે
‘ગુડ બેડ અગ્લી’ અજીતના કરિયરની 63મી ફિલ્મ છે. આ ફિલ્મનું નિર્દેશન અધિક રવિચંદ્રન કરી રહ્યા છે. ખાસ વાત એ છે કે આ ફિલ્મમાં નેશનલ એવોર્ડ વિનર દેવી શ્રી પ્રસાદનું સંગીત સાંભળવા મળશે. તે નવીન મિથરી દ્વારા નિર્મિત છે. ‘ગુડ બેડ અગ્લી’ વર્ષ 2025માં પોંગલ પર રિલીઝ થશે. જોકે, ફિલ્મની રિલીઝ ડેટ હજુ જાહેર કરવામાં આવી નથી.
