Today Gujarati News (Desk)
ગઇકાલે અને આજે પણ સવારથી સૌરાષ્ટ્રમાં ભારે વરસાદ વરસી રહ્યો છે. જાણે કે ચોમાસાની પેટર્ન બદલાઈ હોય તેમ સૌરાષ્ટ્રમાં દરેક જિલ્લામાં ચોમાસાના પ્રારંભથીજ ભારે વરસાદ વરસી રહ્યો છે. જેના કારણે અનેક વિસ્તારોએ એવા છે જ્યાં પાણી ઓસરવાનું નામ નથી લઇ રહ્યું. હવામાન વિભાગ દ્વારા આજે સવારમાં કરવામાં આવેલી આગાહી અનુસાર, જામનગર, પોરબંદર અને દ્વારકા માટે આગામી ત્રણ કલાક ભારે છે. આગામી ત્રણ કલાકમાં આ ત્રણ જિલ્લાઓમાં ભારે વરસાદ વરસી શકે છે.
આ જિલ્લાઓમાં મધ્યમ વરસાદની આગાહી
હવામાન વિભાગ અનુસાર, અરવલ્લી, ખેડા અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, ડાંગ, તાપી, સુરેન્દ્રનગર, રાજકોટ, જૂનાગઝ, અમરેલી, ભાવનગર, બાટોદ, મોરબીમાં મધ્યમ વરસાદ વરસી શકે છે.
આ જિલ્લાઓમાં હળવો વરસાદની આગાહી
તેમજ હવામાન વિભાગે સવારે કરેલી આગાહી પ્રમાણે, બનાસકાંઠા, પાટણ, મહેસાણા, સાબરકાંઠા, ગાંધીનગર, સુરત, નવસારી, વલસાડ, ગીર સોમનાથ અને કચ્છમાં હળવો વરસાદ વરસી શકે છે.
