Today Gujarati News (Desk)
સેન્ટ્રલ અમેરિકન દેશ હોન્ડુરાસની એક મહિલા જેલમાં ગેંગ વોરમાં ઓછામાં ઓછા 41 મહિલા કેદીઓ માર્યા ગયા હોવાના અહેવાલ છે. હોન્ડુરાસની રાજધાની તેગુસિગાલ્પાથી લગભગ 30 માઈલ ઉત્તરપશ્ચિમમાં, તમરા જેલમાં કેદીઓને ગોળી મારવામાં આવી હોવાના અહેવાલો બહાર આવ્યા છે.
હોન્ડુરાસની નેશનલ પોલીસ ઇન્વેસ્ટિગેશન એજન્સીના પ્રવક્તા યુરી મોરાએ જણાવ્યું હતું કે મોટાભાગના પીડિતો સળગી ગયા હતા, જ્યારે અન્યને ગોળી વાગી હતી. મીડિયા અહેવાલો અનુસાર, ઓછામાં ઓછી સાત મહિલા કેદીઓને ગોળીબાર અને છરાબાજીમાં ઈજાગ્રસ્ત થયેલા સારવાર માટે તેગુસિગાલ્પા હોસ્પિટલમાં દાખલ કરવામાં આવી હતી.
જેલની અંદર ગેરકાયદેસર પ્રવૃતિઓ રોકવાને કારણે હંગામો થયો હતો
દેશની જેલ પ્રણાલીના વડા, જુલિસા વિલાનુએવાએ જણાવ્યું હતું કે અધિકારીઓ દ્વારા જેલની અંદરની ગેરકાયદેસર ગતિવિધિઓ પર કડક કાર્યવાહી કરવાના તાજેતરના પ્રયાસોને કારણે રમખાણો શરૂ થયા હતા. જેના કારણે મંગળવારે જેલમાં હિંસા થઈ હતી. તેમણે કહ્યું કે જેલમાં સંગઠિત ગેંગ સામે પગલાં લેવામાં આવી રહ્યા છે.
યુએસ મીડિયા અનુસાર, હોન્ડુરાસની રાષ્ટ્રીય મહિલા જેલમાં લગભગ 800 કેદીઓ છે, જે તેની ક્ષમતા કરતાં બમણી છે. 2020માં હોન્ડુરાસ જેલમાં અનેક હિંસક ઘટનાઓ બની હતી.
