પશ્ચિમ નેપાળમાં બુધવારે એક ભયાનક માર્ગ અકસ્માત થયો હતો. અહીં એક બસ રોડ પરથી લપસી જતાં ઓછામાં ઓછા બે લોકોના મોત થયા હતા અને 34 અન્ય ઘાયલ થયા હતા. આ ઘટના તન્હુ જિલ્લાના બિયાસ નગરપાલિકા-12ના ઘંસીકુવામાં સવારે 5.30 વાગ્યે બની હતી.
ઘટના અંગે માહિતી આપતા પોલીસે જણાવ્યું કે બસ ધરણથી પોખરા તરફ જઈ રહી હતી, ત્યારે તે લપસીને રોડથી 10 મીટર નીચે પડી ગઈ હતી. તેમણે કહ્યું કે બે મુસાફરોના મોત થયા છે અને બસ ડ્રાઈવર સહિત 32 લોકો નજીકની હોસ્પિટલોમાં સારવાર હેઠળ છે.
9 ઘાયલોની હાલત ગંભીર છે
ઘાયલો પૈકી નવની હાલત નાજુક હોવાનું કહેવાય છે અને તેમને વધુ સારવાર માટે પોખરા લઈ જવામાં આવ્યા છે. પોલીસે જણાવ્યું કે અકસ્માતનું સાચું કારણ હજુ જાણી શકાયું નથી.
તમને જણાવી દઈએ કે નેપાળમાં સમગ્ર દેશમાં રસ્તાના નબળા ઈન્ફ્રાસ્ટ્રક્ચરને કારણે રોડ અકસ્માતો સામાન્ય છે, જેમાં મુખ્યત્વે પર્વતીય વિસ્તારોનો સમાવેશ થાય છે.
